អគ្គនាយកធនាគារអភិវឌ្ឍន៍ជនបទ និងកសិកម្ម បានអញ្ជើញចូលរួម និងផ្តល់បទអន្តរាគមន៍គន្លឹះ អំពីឥណទានដល់វិស័យស្រូវ-អង្ករ ក្នុងសន្និបាតបូកសរុបការងារឆ្នាំ២០២១ និងទិសដៅឆ្នាំ២០២២
23 February 2022
ភ្នំពេញ៖ ថ្ងៃពុធ ៧ រោច ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៣ ខែកុម្ភៈ ឆ្នាំ២០២២ វេលាម៉ោង ២ រសៀល ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម បានអញ្ជើញចូលរួម និងផ្តល់បទអន្តរាគមន៍គន្លឹះ អំពីឥណទានដល់វិស័យស្រូវ-អង្ករ ក្នុងសន្និបាតបូកសរុបការងារឆ្នាំ២០២១ និងទិសដៅឆ្នាំ២០២២ របស់សហព័ន្ធស្រូវអង្ករកម្ពុជា នៅសណ្ឋាគារ Raffles Hotel Le Royal Phnom Penh ក្រោមអធិបតីភាពដ៏ខ្ពង់ខ្ពស់ពីសំណាក់ ឯកឧត្តម ប៉ាន់ សូរសក្តិ រដ្ឋមន្ត្រីក្រសួងពាណិជ្ជកម្ម។
