ក្រុមការងារតំណាង ឯកឧត្តម កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារ ARDB បាននាំយកអំណោយដ៏ថ្លៃថ្លា ជូនដល់ក្មួយប្រុសឈ្មោះ គង់ សីហា
4 November 2021
បន្ទាយស្រី ខេត្តសៀមរាប៖ ដោយមើលឃើញពីការលំបាកតាមរយៈរូបថតរបស់ក្មួយសីហា កាលពីថ្ងៃទី២ ខែវិច្ឆិកា តាមប្រព័ន្ធបណ្តាញសង្គម, ព្រឹកថ្ងៃទី៣ ខែវិច្ឆិកា ឆ្នាំ២០២១ ក្រុមការងារតំណាង ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម បាននាំយកអំណោយដ៏ថ្លៃថ្លារបស់ឯកឧត្តម កៅ ថាច រួមមាន៖
- សៀវភៅសរសេរ ២០០ទំព័រ ចំនួន ២០ក្បាល និង១៦០ទំព័រ ចំនួន១០ក្បាល
- ប៊ិក ចំនួន១ប្រអប់
- ខ្មៅដៃ ចំនួន១ប្រអប់
- ជ័រលុប
- កាតាប ០១
- បន្ទាត់មួយប្រអប់
- ខ្សែសម្រាប់ព្យួរកាត ចំនួន២
- អង្ករ៥០គីឡូ
- កូនកង់ចំនួន ០១ គ្រឿង និង ថវិកាចំនួន ២ លានរៀល ជូនដល់ក្មួយប្រុសឈ្មោះ គង់ សីហា អាយុ ៧ ឆ្នាំ ស្ថិតនៅភូមិត្មាតពង ឃុំរុនតាឯក ស្រុកបន្ទាយស្រី ខេត្តសៀមរាប ដើម្បីជួយសម្រួលដល់ភាពលំបាកក្នុងគ្រួសាររបស់ក្មួយប្រុស។
បន្ថែមលើនេះ ឯកឧត្តមបណ្ឌិត ក៏បានឱ្យក្រុមការងារស្រាវជ្រាវបន្តរកបន្តរកក្មួយៗដែលស្ថិតក្នុងស្ថានភាពលំបាកដូចក្មួយ គង់ សីហា ដើម្បីអាចធ្វើការជួយឧបត្ថម្ភទាំងសម្ភារៈ ក៏ដូចជាថវិកាផងដែរ។
