យើងកំពុងស្វែងរកបេក្ខជនដែលមានសមត្ថភាព ដើម្បីបំពេញមុខតំណែងខាងក្រោម ៖
មុខតំណែង
បុគ្គលិកគ្រប់គ្រងហានិភ័យឥណទាន
កាលបរិច្ឆេទ៖ 30/05/2024 - ថ្ងៃផុតកំណត់៖ 30/06/2024
ចំនួនបេក្ខជនដែលត្រូវជ្រើសរើស ៖ 1 រូប
ទីតាំង ៖
Phnom Penh
តួនាទី និងការទទួលខុសត្រូវចម្បងៗ
- ចូលរួមគ្រប់គ្រងហានិភ័យឥណទានឱ្យស្ថិតនៅក្នុងកម្រិតដែលអាចទទួលយកបាន ដូចបានចែងនៅក្នុងឯកសារគោល នយោបាយគ្រប់គ្រងហានិភ័យ និងឯកសារពាក់ព័ន្ធផ្សេងៗ។
- ចូលរួមផ្តល់យោបល់លើហានិភ័យឥណទាន ដើម្បីជាមូលដ្ឋានក្នុងការផ្តល់ឥណទានថ្មីការបន្ថែមឥណទាន ការដក ឬប្តូរទ្រព្យធានាឥណទាន ការពន្យារការសងប្រាក់ ឬ សំណើសុំកែប្រែលក្ខខណ្ឌឥណទានផ្សេងៗ។
- ចូលរួមកំណត់ និងធ្វើបច្ចុប្បន្នភាពពិន្ទុហានិភ័យឥណទានរបស់អតិថិជនទាំងអស់ដែលនាយកដ្ឋានគ្រប់គ្រងហានិភ័យ បានសិក្សា និងផ្តល់យោបល់។
- ចូលរួមផ្ដល់យោបល់ទៅលើការកំណត់អត្រាការប្រាក់ ដោយផ្អែកលើកម្រិតហានិភ័យឥណទានតាមប្រភេទអតិថិជន ឬសម្ពៀតឥណទាននីមួយៗ។
- ចុះពិនិត្យស្ថានភាពអតិថិជនដែលទទួលបានឥណទានរួចហើយដល់ទីកន្លែងដើម្បីជាមូលដ្ឋានគ្រប់គ្រង និងកាត់បន្ថយ ហានិភ័យឱ្យកាន់តែមានប្រសិទ្ធភាព។
- ចូលរួមសិក្សាស្វែងយល់ និងកំណត់នូវអត្តសញ្ញាណនៃហានិភ័យឥណទានដែលកំពុងកើតមាន ឬ អាចកើតមានឡើងចំពោះធនាគារ។
- ចូលរួមសិក្សាស្វែងយល់ និងវាយតម្លៃនូវទំហំផលប៉ះពាល់ និងភាពអាចកើតមានឡើងនៃហានិភ័យឥណទានដែលបាន កំណត់អត្តសញ្ញាណរួចហើយ។
គុណវុឌ្ឍិនិងសមត្ថភាព
- បរិញ្ញាប័ត្រផ្នែកពាក់ព័ន្ធ ដូចជាហិរញ្ញវត្ថុ ស្ថិតិ ធនាគារ គ្រប់គ្រងអាជីវកម្ម ឬគ្រប់គ្រងហានិភ័យ
- មានជំនាញនិងបទពិសោធន៍ការងារទាក់ទងនឹងផ្នែកហានិភ័យ , វិស័យធនាគារយ៉ាងតិច ១ឆ្នាំ
- យល់ច្បាស់ពីឥណទានអចលនទ្រព្យ ឥណទានគ្រឹះស្ថានហិរញ្ញវត្ថុ ឥណទានកសិកម្ម ឥណទានពាណិជ្ជកម្ម និងឧស្សាហកម្ម ឥណទានបុគ្គល និងឥណទានផ្សេងៗ
- ចេះប្រើកុំព្យូទ័រ និងកម្មវិធី Microsoft Office
- ចេះនិយាយ និងសរសេរភាសាខ្មែរ និងអង់គ្លេស
- យល់ដឹងអំពីផលិតផលហិរញ្ញវត្ថុ ,ជំនាញបច្ចេកទេស ឬរបៀបគ្រប់គ្រងអាជីវកម្ម នៃវិស័យកសិកម្ម
- យល់ដឹងអំពីរបៀបបកស្រាយរបាយការណ៍ ឬព័ត៌មានហិរញ្ញវត្ថុមានគំនិតច្នៃប្រឌិត និងផ្តួចផ្តើមថ្មីៗ
- ឧស្សាហ៍ព្យាយាម និងយកចិត្ដទុកដាក់ចំពោះការងារ។
ប្រាក់បៀវត្សន៍ និងអត្ថប្រយោជន៍ផ្សេងៗ
- ប្រាក់បៀវត្សសមរម្យតាមទីផ្សារការងារ
- ការដំឡើងប្រាក់បៀវត្សប្រចាំឆ្នាំ ប្រាក់រង្វាន់ស្នាដៃការងារល្អ ប្រាក់អតីតភាពការងារ
- ទទួលបានប្រាក់ឧបត្ថម្ភសម្រាប់ការសម្រាលបុត្ររបស់និយោជិត ឬភរិយារបស់និយោជិត
- ទទួលបានប្រាក់ឧបត្ថម្ភផ្សេងលើថ្លៃ សុខភាព សិក្សាបង្កើនសមត្ថភាព ឯកសណ្ឋាន អាហារប្រចាំថ្ងៃ ការធ្វើការបន្ថែមម៉ោងជាដើម
- ទទួលបានការធានារ៉ាប់រងលើគ្រោះថ្នាក់ និងសុខភាព ពីក្រុមហ៊ុនឯកជន និង បសស
- ធ្វើការ ៥ថ្ងៃក្នុងមួយសប្ដាហ៍ (ពីថ្ងៃច័ន្ទ ដល់ ថ្ងៃសុក្រ)
- ទទួលបានការឈប់សម្រាក់ប្រចាំឆ្នាំ និង បុណ្យជាតិតាមអនុក្រឹត្យរបស់រាជរដ្ឋាភិបាល
- ទទួលបានឳកាសបណ្តុះបណ្តាលជាច្រើន។
របៀបដាក់ពាក្យ
បេក្ខជនដែលមានចំណាប់អារម្មណ៍ សូមផ្ញើ CV មកតាមរយៈ jobs@ardb.com.kh ឬពិនិត្យមើលព័ត៌មានលម្អិត.
មានតែបេក្ខជនដែលជាប់បញ្ជីសម្រាំងតែប៉ុណ្ណោះដែលត្រូវបានទាក់ទងសម្ភាសន៍។ធនាគារអភិវឌ្ឍន៍ជនបទ និងកសិកម្ម ជានិយោជកដែលផ្តល់ឱកាសស្មើគ្នា អនុវត្តយ៉ាងតឹងរ៉ឹងជាមួយច្បាប់ការងាររបស់កម្ពុជា និងបទប្បញ្ញត្តិផ្សេងៗទៀត។
