ឯកឧត្តមបណ្ឌិត កៅ ថាច បានបន្តអញ្ជើញចូលរួមសំណេះសំណាល និងផ្សព្វផ្សាយអំពីគោលការណ៍ឥណទាន ខេត្តព្រះវិហារ

សូមបញ្ជាក់ផងដែរថា សហគមន៍កសិកម្មភ្នំពេជ្របុរី ដែលមានទីតាំងស្ថិតនៅភូមិស្របាល ឃំុភ្នំពេជ្រ ស្រុកគូលែន ខេត្តព្រះវិហារសហគមន៍កសិកម្មនេះត្រូវបានចុះបញ្ជីនៅមន្ទីកសិកម្មរុក្ខាប្រមាញ់ និងនេសាទដោយមានសមាជិក ៥៩២ នាក់ ហើយប្រកបរបរប្រមូលទិញស្រូវ ដំឡូងមី ផ្គត់ផ្គង់ទឹកស្អាតក្នុងសហគមន៍។ ប្រជាកសិករក្នុងឃំុនេះ ដាំដុះប្រភេទស្រូវសិរីរាង្គដូចជា នាងឣុក នាងឣំ រំដួល ល្លឹះក្រហម លាក់ស្លឹក បន្ថែមលើនេះ ក៏ដាំដុះដំណាំដំឡូងមី ផងដែរ ដោយមានផ្ទៃដីដាំដុះសរុបប្រមាណជាង ១.០០០ ហិកតា។

ដោយឡែកសហគមន៍កសិកម្មលើកកម្ពស់កសិករ ស្ថិតនៅភូមិគូលែន ឃំុគូលែន ស្រុកគូលែន ខេត្តព្រះវិហារ សហគមន៍កសិកម្មនេះត្រូវបានចុះបញ្ជីនៅមន្ទីកសិកម្មរុក្ខាប្រមាញ់ និងនេសាទដោយមានសមាជិក៤៥៣ នាក់ ស្រី ២៥១ នាក់ ប្រកបរបរផ្គត់ផ្គង់ទឹកស្អាត ទិញលក់ស្រូវសិរីរាង្គ ដំឡូងស្រស់ និងកៀម និងមានផ្ទៃដីដាំដុះប្រមាណជា ២,០០០ ហិកតា។

សហគមន៍ទាំង២ នេះ ផ្គត់ផ្គង់ស្រូវជូនក្រុមហ៊ុន ឣេមរុរាយស៍។ ចំពោះដំឡូងផលិតបានលក់ឱ្យឈ្មួញក្នុងស្រុកមាន ក្រុមហ៊ុន CACC, និងក្រុមហ៊ុន ហង្សហាវេស ជាដើម។

ជាចុងក្រោយ ឯកឧត្តមបណ្ឌិត រំលឹកជូនបងប្អូនឣំពីកាលបរិច្ឆេទនៃការបោះឆ្នោតជាតិនាថ្ងៃទី២៣ ខែកក្កដា ឆ្នាំ២០២៣ខាងមុខ ហើយឯកឧត្តមបណ្ឌិត បានអញ្ជើញបងប្អូនទៅចូលរួមបោះឆ្នោតទាំងអស់គ្នា ដើម្បីចូលរួមបន្តថែរក្សាសន្តិភាព ស្ថេរភាព និងការអភិវឌ្ឍជានិរន្តជាបន្តទៀត៕