ឯកឧត្ដមបណ្ឌិត កៅ ថាច បានចុះពិនិត្យកសិដ្ឋានបន្លែសុវត្ថិភាព “កសិដ្ឋានប្រសិទ្ធ Prasit Farm”
30 កក្កដា 2023
ខេត្តកណ្ដាល៖ នាព្រឹកថ្ងៃសៅរ៍ ១២ កើត ខែទុតិយាសាឍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៩ ខែកក្កដា ឆ្នាំ២០២៣ ឯកឧត្ដមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម បានចុះពិនិត្យកសិដ្ឋានបន្លែសុវត្ថិភាព “កសិដ្ឋានប្រសិទ្ធ Prasit Farm” មានទីតាំងស្ថិតក្នុងភូមិតាគោក ឃុំឈ្វាង ស្រុកពញាឮ ខេត្តកណ្ដាល។ ក្នុងឱកាសនោះដែរ ឯកឧត្ដមបណ្ឌិតប្រតិភូ បានផ្តល់អនុសាសន៍ណែនាំសំខាន់ៗដល់កសិករ និងអ្នកគ្រប់គ្រងកសិដ្ឋានផងដែរ។
