ឯកឧត្តមបណ្ឌិត កៅ ថាច បានចុះពិនិត្យមេីលការប្រមូលផលស្រូវនៅស្រុកមុខកំពូល ខេត្តកណ្តាល
9 មីនា 2024
នាថ្ងៃទី០៨ ខែមីនា ឆ្នាំ២០២៤ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម (ARDB) បានចុះពិនិត្យមេីលការប្រមូលផលស្រូវនៅស្រុកមុខកំពូល ខេត្តកណ្តាល។ ក្នុងឱកាសនេះផងដែរ ឯកឧត្តមបណ្ឌិតប្រតិភូ បានលេីកទឹកចិត្តដល់ប្រជាកសិករក្នុងតំបន់អោយមានការគិតគូរផងដែរទៅលេីថ្លៃដេីមនៃការផលិតស្រូវ ដេីម្បីអោយដឹងច្បាស់ថានៅពេលប្រមូលផលរួចរាល់ កសិករនឹងទទួលបានប្រាក់ចំណេញប៉ុន្មាន។ បេីកសិករធ្វេីស្រែទៅលេីប្រភេទពូជដែលក្នុងមួយហិកតាទទួលបានទិន្នផលតិច នោះប្រាក់ចំណេញក៏បានតិចដែរ តែបេីកសិករជ្រេីសរេីសពូជដែលផ្តល់នូវទិន្នផលខ្ពស់ក្នុងមួយហិកតាបានផលពី ៧ ទៅ ៨ តោន កសិករក៏ទទួលបានប្រាក់ចំណេញច្រេីនតាមនោះផងដែរ។
