ព័ត៌មានថ្មីៗ
ក្រុមការងារធនាគារអភិវឌ្ឍន៍ជនបទ និងកសិកម្ម សាខាខេត្តបាត់ដំបង បានចុះផ្សព្វផ្សាយគោលការណ៍ឥណទាន និងប្រាក់បញ្ញើ ព្រមទាំងសេវាផ្សេងទៀត
20 តុលា 2023ខេត្តបាត់ដំបង៖ ថ្ងៃទី១៩ ខែតុលា ឆ្នាំ២០២៣ ក្រុមការងារធនាគារអភិវឌ្ឍន៍ជនបទ និងកសិកម្ម សាខាខេត្តបាត់ដំបង បានចុះផ្សព្វផ្សាយគោលការណ៍ឥណទាន និងប្រាក់បញ្ញើ ព្រមទាំងសេវាផ្សេងទៀតរបស់ធនាគារ ដល់ថ្នាក់ដឹកនាំ និង សមាជិកសហគមន៍កសិកម្ម រកាមានឫទ្ធិ ស្ថិតនៅភូមិទួលរកា ឃុំឫស្សីក្រាំង ស្រុកមោងឫស្សី ខេត្តបាត់ដំបង ដែលមានអ្នកចូលរួមប្រមាណជាង ២០នាក់ និងបានបើកគណនីសន្សំជូនសហគមន៍ និងសមាជិកសហគមន៍មួយចំនួនផងដែរ។
ប្រជាពលរដ្ឋងាកមកបរិភោគបង្កងបែបធម្មជាតិច្រើនក្នុងរដូវភ្ជុំបិណ្ឌ
16 តុលា 2023នៅក្នុងរដូវបុណ្យភ្ជុំបិណ្ឌឆ្នាំ ២០២៣ នេះ គេសង្កេតឃើញប្រជាពលរដ្ឋរស់នៅឃុំសំបួរ ស្រុកទ្រាំង ខេត្តតាកែវ ហាក់មានការនិយមបរិភោគបង្កងដែលចិញ្ចឹមនៅក្នុងកសិដ្ឋានក្នុងស្រុកគួរឱ្យកត់សម្គាល់ ជាងពេលធម្មតា។ ជាក់ស្តែងបើយោងតាមលោក សាប់ សារុន ដែលជាម្ចាស់កសិដ្ឋានខាងលើបានឱ្យដឹងថា បន្ទាប់ពីថ្ងៃកាន់បិណ្ឌទីមួយចូលមកដល់ ការលក់បង្កងរបស់លោកហាក់ចាប់ផ្តើមមានតម្រូវការកើនឡើង ដោយមួយថ្ងៃអាចលក់បានពី១០គីឡូក្រាមឡើងទៅ ពិសេសនៅថ្ងៃបុណ្យភ្ជុំធំ គាត់អាចលក់បានរហូតជិត៦០គីឡូក្រាមក្នុងមួយថ្ងៃ។ បើតាមកសិករចិញ្ចឹមបង្កងបែបធម្មជាតិនៅខាងភូមិឃុំខាងលើ ក្នុងរដូវបុណ្យភ្ជុំបិណ្ឌឆ្នាំ ២០២៣ នេះលក់បង្កងបានប្រហែល៥០០គីឡូក្រាម ក្នុងនោះបង្កងលេខ២ថ្លៃ៨មុឺនរៀល និង លេខ៣ថ្លៃ៧ម៉ឺនរៀល៕ ព័ត៌មានលម្អិតបន្ថែមសូមតាមដាន នៅតាមទូរទស្សន៍អនឡាញ របស់ធនាគារអភិវឌ្ឍន៍ជនបទនិងកសិកម្ម (ARDB TV)។
ការផលិតពូជស្រូវសុទ្ធបានកើនឡើងដែលជាមូលដ្ឋានសម្រាប់ពង្រីកការផលិតពូជស្រូវផ្ការំដួលនៅឆ្នាំ ២០២៤
14 តុលា 2023ក្រុមការងារនាយកដ្ឋានពូជដំណាំ នៃអគ្គនាយកដ្ឋានកសិកម្ម បានសហការជាមួយមន្ទីរកសិកម្ម រុក្ខាប្រមាញ់ និងនេសាទ និងនិស្សិតស្ម័គ្រចិត្ត បានចូលរួមត្រួតពិនិត្យគុណភាពផលិតកម្មទីវាល តាមបណ្តាក្រុមកសិករ និងសហគមន៍កសិកម្មផលិតពូជស្រូវផ្ការំដួល ស្ថិតនៅឃុំខ្នារឆ្មា ស្រុកសាមគ្គីមានជ័យ ខេត្តកំពង់ឆ្នាំង និងឃុំត្នោតជុំ ស្រុកក្រគរ ខេត្តពោធិ៍សាត់ ដើម្បីធានាថាការដាំដុះថែទាំពិតជាបានអនុវត្តន៍តាមគោលការណ៍និងស្តង់ដាពូជសុទ្ធល្អ។ យោងតាមក្រសួងកសិកម្ម រុក្ខាប្រមាញ់និងនេសាទ កាលថ្ងៃទី ០៣ខែតុលា ឆ្នាំ ២០២៣ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដែលទទួលបន្ទុកការងារផលិតពូជស្រូវសុទ្ធ បានគូសបញ្ជាក់ថា ចំនួនកសិករចូលរួមការផលិតគ្រាប់ពូជស្រូវសុទ្ធនៅឆ្នាំ ២០២៣ មានការកេីនឡេីង ដែលជាមូលដ្ឋានគ្រឹះសម្រាប់ការពង្រីកការផលិតពូជស្រូវផ្ការំដួលនៅរដូវ ឆ្នាំ ២០២៤៕
សហគមន៍កសិកម្មមួយខាងខេត្តពោធិ៍សាត់អាចផលិតបន្លែបានរហូតដល់៥តោនក្នុង១ថ្ងៃ
12 តុលា 2023សហគមន៍កសិកម្មអូរថ្កូវរីកចំរើន ស្ថិតនៅភូមិអូរថ្កូវ សង្កាត់រលាប ក្រុងពោធិ៍សាត់ មានសមត្ថភាពផលិតបន្លែបានរហូតដល់៥តោននៅក្នុងមួយថ្ងៃ។ យោងតាមបណ្តាញទំនាក់ទំនងសង្គមផ្លូវការរបស់ ឯកឧត្ដម ហ៊ាន វណ្ណហន រដ្ឋលេខាធិការ និង ជាប្រធានគណកម្មការដឹកនាំគម្រោងពិពិធកម្មកសិកម្មកម្ពុជា បង្ហាញថាហគមន៍កសិកម្ម មានសមាជិក ៥៤ នាក់ ផ្ទៃដី សរុប ១៩៣ ហិកតា (ផ្ទៃដីដាំដុះបន្លែសរុប ៥៧ ហិចតា) ចំនួនផ្ទះសំណាញ់ ៣៧ខ្នង (គិតជាផ្ទៃដី ១០ ៣០០ម៉ែត្រការ៉េ ជាពិសេសសហគមន៍នេះមានផ្ទះសំណាញ់ខ្នាតធំ ២០x៥០ ប្រមាណជា១០ខ្នង ដែលផលិតដំឡើងដោយខ្លួនឯង )។ ប្រភេទបន្លែផលិតបាន រួមមាន: តាសក់ ត្រឡាច ននោង (ប្រហើរ និង ជ្រុង) ល្ពៅ ត្រប់ (ត្រប់វែង ត្រប់ក្រាម ត្រប់ស្រួយ ត្រប់) ម្ទេស (ដៃនាង អាចម៌សត្វ ហាវ៉ៃ) ប៉េងប៉ោះ (ឈឺរី ផ្លែធំ) សណ្តែកទ្រើង […]
លោក ជិន ជ័យាបុត្រ តំណាងដ៏ខ្ពង់ខ្ពស់របស់ឯកឧត្តមបណ្ឌិត កៅ ថាច បាននាំយកបច្ច័យ ទេយ្យវត្តុ និង គ្រឿងឧបភោគបរិភោគ ប្រគេនសម្តេចព្រះមហាវិមលធម្ម ពិន សែម នៅវត្តរាជបូណ៍
3 តុលា 2023នាថ្ងៃ ចន្ទ ៣ រោច ខែភទ្របទ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី២ ខែតុលា ឆ្នាំ២០២៣ ដែលជាថ្ងៃបិណ្ឌទី៣, លោក ជិន ជ័យាបុត្រ ប្រធាននាយកដ្ឋានរដ្ឋបាលទូទៅ និងទំនាក់ទំនងសាធារណៈ តំណាងដ៏ខ្ពង់ខ្ពស់របស់ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ព្រមទាំងសហការីនៃធនាគារ ARDB បាននាំយកបច្ច័យ ទេយ្យវត្តុ និង គ្រឿងឧបភោគបរិភោគ ប្រគេនសម្តេចព្រះមហាវិមលធម្ម ពិន សែម នៅវត្តរាជបូណ៍ ក្រុងសៀមរាប សម្រាប់ព្រះសង្ឃគង់ចាំព្រះវស្សា ដោយសេចក្តីជ្រះថ្លា តាមប្រពៃណី ព្រះពុទ្ធសាសនា។
ឯកឧត្តម ប៉ិច សានី តំណាងដ៏ខ្ពង់ខ្ពស់របស់ឯកឧត្តមបណ្ឌិត កៅ ថាច បាននាំយកបច្ច័យ ទេយ្យវត្តុ និង គ្រឿងឧបភោគបរិភោគ ប្រគេនសម្តេច ព្រះពុទ្ធជ័យ មុនី បណ្ឌិត ឃឹម សន នៅវត្តបទុមវតី
3 តុលា 2023នាព្រឹកថ្ងៃ ចន្ទ ៣ រោច ខែភទ្របទ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី២ ខែតុលា ឆ្នាំ២០២៣ ដែលជាថ្ងៃបិណ្ឌទី៣, ឯកឧត្តម ប៉ិច សានី តំណាងដ៏ខ្ពង់ខ្ពស់របស់ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ព្រមទាំង លោក លោកស្រី ប្រធាន-អនុប្រធាន នាយកដ្ឋាន អង្គភាព នៃធនាគារ ARDB បាននាំយកបច្ច័យ ទេយ្យវត្តុ និង គ្រឿងឧបភោគបរិភោគ ប្រគេនសម្តេច ព្រះពុទ្ធជ័យ មុនី បណ្ឌិត ឃឹម សន នៅវត្តបទុមវតី ដោយសេចក្តីជ្រះថ្លា តាម ប្រពៃណី ព្រះពុទ្ធ សាសនា ដើម្បីព្រះអង្គចាត់ចែងទំនុកបម្រុងចង្ហាន់ និងបច្ច័យ៤ សម្រាប់ព្រះសង្ឃគង់ចាំព្រះវស្សានៅវត្តបទុមវតីចំនួន ៤៥១ អង្គ។
ឯកឧត្តម បាន លឹម បានដឹកនាំគណៈប្រតិភូ ជួបសំណេះសំណាលពិភាក្សាការងារ និងចែករំលែកនូវបទពិសោធន៍ទៅវិញទៅមកជាមួយ ធនាគារ Guangxi Beibu Gulf Bank
11 កញ្ញា 2023ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (Agricultural and Rural Development Bank – ARDB) ឯកឧត្តម បាន លឹម អគ្គនាយករងនៃធនាគារ ARDB បានដឹកនាំគណៈប្រតិភូ ជួបសំណេះសំណាលពិភាក្សាការងារ និងចែករំលែកនូវបទពិសោធន៍ទៅវិញទៅមកជាមួយ ធនាគារ Guangxi Beibu Gulf Bank ដែលជាធនាគារអន្តរការី (Correspondent Bank) របស់ធនាគារ ARDB នាព្រឹកថ្ងៃទី៨ ខែកញ្ញា ឆ្នាំ២០២៣ នៅទីស្នាក់ការរបស់ធនាគារ Guangxi Beibu Gulf Bank ក្នុងទីក្រុងណាននីង សាធារណៈរដ្ឋប្រជាមានិតចិន។ ជំនួបនេះ ត្រូវបានធ្វើឡើងដោយមានការចូលរួមពី លោក Chen Jie អនុប្រធានធនាគារ (Vice President) និងសហការី ក្នុងគោលបំណងពង្រឹងកិច្ចសហប្រតិបត្តិការអាជីវកម្មរវាងធនាគារទាំងពីរ និងចែករំលែកនូវបទពិសោធន៍អំពីផលិតផលហិរញ្ញប្បទាន។
គណៈប្រតិភូនៃ ធនាគារ ARDB បានចូលរួមកិច្ចប្រជុំប្រចាំឆ្នាំលើកទី២៣ និងកិច្ចប្រជុំគណៈកម្មការប្រតិបត្តិលើកទី៧៦ របស់សមាគមឥណទានកសិកម្ម និងជនបទតំបន់អាស៊ីបាស៊ីហ្វិក (APRACA)
7 កញ្ញា 2023ទីក្រុងណាននីង, សាធារណៈរដ្ឋប្រជាមានិតចិន៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB), គណៈប្រតិភូនៃ ធនាគារ ARDB បានចូលរួមកិច្ចប្រជុំប្រចាំឆ្នាំលើកទី២៣ និងកិច្ចប្រជុំគណៈកម្មការប្រតិបត្តិលើកទី៧៦ របស់សមាគមឥណទានកសិកម្ម និងជនបទតំបន់អាស៊ីបាស៊ីហ្វិក (APRACA) និងវេទិកាតំបន់ស្តីពី “ហិរញ្ញប្បទានបៃតង និងអាកាសធាតុក្នុងវិស័យកសិកម្ម៖ កតា្តជំរុញចម្បងសម្រាប់ប្រព័ន្ធស្បៀងអាហារ ប្រកបដោយចីរភាព” នៅទីក្រុងណាននីងនៃសាធារណរដ្ឋប្រជាមានិតចិន នាថ្ងៃទី៤-៨ ខែកញ្ញា ឆ្នាំ២០២៣ ដែលរៀបចំដោយធនាគារអភិវឌ្ឍន៍កសិកម្ម នៃប្រទេសចិន (Agricultural Development Bank of China – ADBC)។ កិច្ចប្រជុំប្រចាំឆ្នាំ និងវេទិកានេះ បានផ្តោតការពិភាក្សាសំខាន់ទៅលើ ១). ការចែករំលែកបទពិសោធន៍លើការផ្តល់ហិរញ្ញប្បទានបៃតងនិងការប្រែប្រួលអាកាសធាតុ ក្នុងការដោះស្រាយបញ្ហាវិស័យសន្តិសុខស្បៀង និង ២). គោលនយោបាយក្នុងការលើកកម្ពស់ការផ្តល់ហិរញ្ញប្បទានបៃតង និងការប្រែប្រួលអាកាសធាតុ។
ឯកឧត្តមបណ្ឌិត កៅ ថាច បានអញ្ជើញចុះត្រួតពិនិត្យគម្រោង ដាំដុះបន្លែសុវត្ថិភាព ក្នុងផ្ទះសំណាញ់
2 កញ្ញា 2023ស្រុកខ្សាច់កណ្តាល៖រសៀលថ្ងៃទី២ ខែកញ្ញា ឆ្នាំ២០២៣, ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងសហការី បានអញ្ជើញចុះត្រួតពិនិត្យគម្រោង ដាំដុះបន្លែសុវត្ថិភាព ក្នុងផ្ទះសំណាញ់ ក្រោមការគាំទ្រគម្រោងពីធនាគារអភិវឌ្ឍន៍ជនបទ និងកសិកម្ម៕
ឯកឧត្តមបណ្ឌិត កៅ ថាច បានអញ្ជើញចុះពិនិត្យមើលការច្រូតកាត់ស្រូវជាក់ស្តែងក្នុងស្រែគំរូ ដែលមានទីតាំងស្ថិតនៅមូលដ្ឋានស្រុកស្វាយអន្ទរ ខេត្តព្រៃវែង
2 កញ្ញា 2023ស្រែគំរូ ប្រើប្រាស់ពូជ ៣០គីឡូក្រាមក្នុងមួយហិកតា ទទួលផល បានជាង ៨ តោន ———————— ព្រៃវែង៖ ក្រោមការសម្របសម្រួលពីធនាគារអភិវឌ្ឍន៍ជនបទនិងកសិកម្ម ដើម្បីសាកល្បងកាត់បន្ថយថ្លៃដើមផលិត និងកាត់បន្ថយការប្រើប្រាស់ពូជស្រូវរបស់កសិករ, ថ្ងៃសៅរ៍ ទី២ ខែកញ្ញា ឆ្នាំ២០២៣ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម បានអញ្ជើញចុះពិនិត្យមើលការច្រូតកាត់ស្រូវជាក់ស្តែងក្នុងស្រែគំរូ ដែលមានទីតាំងស្ថិតនៅមូលដ្ឋានស្រុកស្វាយអន្ទរ ខេត្តព្រៃវែង ដែលប្រើប្រាស់ពូជត្រឹមតែ ៣០ គីឡូក្រាមក្នុងមួយហិកតា ហើយទទួលបាន ផលរហូតដល់ទៅជាង ៨ តោន ក្នុងមួយហិកតា។ នាឱកាសនោះ ក៏មានការអញ្ជើញចូលរួមផងដែរ ពី លោក ចេង ឌីណា អភិបាលនៃគណៈអភិបាលស្រុកខ្សាច់កណ្តាល និងសិករជុំវិញស្រុក ស្វាយអន្ទរ ខេត្តព្រៃវែង និងស្រុកខ្សាច់កណ្តាល ខេត្តកណ្តាល ប្រមាណ ជិត ១០០ នាក់៕