ព័ត៌មានថ្មីៗ

នាព្រឹកថ្ងៃទី៧ ខែកុម្ភៈ ឆ្នាំ២០២៣ នេះ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB អមដោយឯកឧត្តមអគ្គនាយករង និងសហការី បានដឹកនាំកិច្ចប្រជុំពិភាក្សាការងារជាមួយវិទ្យាស្ថានចិនផ្នែកវិទ្យាសាស្រ្តកសិកម្មតំបន់ត្រូពិក (Chinese Academy of Tropical Agriculture Sciences -CATAS) នៅទីស្នាក់ការកណ្តាលធនាគារ ARDB។ កិច្ចប្រជុំពិភាក្សានេះមានគោលបំណងបង្ហាញពីការដាំប្រភេទបន្លែ និងផ្លែឈើសម្រាប់តំបន់ដែលមានអាកាសធាតុត្រូពិក តាមរយៈការស្រាវជ្រាវរបស់វិទ្យាស្ថាន CATAS ដោយជ្រើសរើសពូជដែលមានភាពធន់នឹងជំងឺ,ធន់នឹងកម្តៅ,ទទួលបានទិន្នផលខ្ពស់,មានតម្លៃបន្ថែមខ្ពស់ និងមានតម្រូវការក្នុងទីផ្សារ។

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) អមដោយឯកឧត្តមអគ្គនាយករង និងសហការី បានទទួលជួបជាមួយតំណាង ធនាគារពិភពលោក ដើម្បីពិភក្សានិងស្វែងយល់អំពីការផ្តល់ហិរញ្ញប្បទានក្នុងវិស័យកសិកម្ម ពិសេស ហិរញ្ញប្បទានពាក់ព័ន្ធនឹងអាកាសអាតុ ហិរញ្ញប្បទានបៃតង និងការធ្វើឌីជីថលភាវូបនីយកម្មលើការផ្តលើហិរញ្ញប្បទានក្នុងវិស័យកសិកម្ម ក្នុងគោលដៅផ្តល់ការគាំទ្រជំនួយបច្ចេកទេសដល់ធនាគារ ARDB នាថ្ងៃទី២០ ខែមករា ឆ្នាំ២០២៣ ។

ត្បូងឃ្មុំ ៖ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទនិងកសិកម្ម (ARDB) និងសហការី នារសៀលថ្ងៃទី៥ ខែមករា ឆ្នាំ២០២៣ បានបន្តអញ្ជើញចុះត្រួតពិនិត្យការប្រើប្រាស់ឥណទានក្រោមគម្រោងហិរញ្ញប្បទានពិសេសរបស់រាជរដ្ឋាភិបាល ដែលបានផ្តល់ជូនរោងម៉ាស៊ីនចំនួន២ នៅខេត្តត្បូងឃ្មុំ។ ជាមួយគ្នានេះ ឯកឧត្តមបណ្ឌិត បានលើកទឹកចិត្តដល់ម្ចាស់រោង​ម៉ាស៊ីនកិនស្រូវទាំងអស់ ​ត្រៀមជួយទិញស្រូវពីកសិករនៅរដូវប្រមូលផលខាងមុខ។ រោងម៉ាស៊ីនចំនួន២នេះ រួមមាន៖ ១. រោងម៉ាស៊ីនកិនស្រូវ ថន ជា ២. រោងម៉ាស៊ីនកិនស្រូវ វិញ ជាង យកឱកាសនោះ ​ឯកឧត្តមបណ្ឌិត កៅ ថាច បន្តជំរុញ និងលើកទឹកចិត្តដល់ម្ចាស់រោងម៉ាស៊ីនកិនស្រូវទាំងអស់ សូមបន្ត និងត្រៀមជួយទិញស្រូវពីកសិករ ដែលនឹងត្រូវប្រមូលផលនាពេលខាងមុខ ក្នុងតំលៃសមរម្យ​៕

ព្រៃវែង៖ ព្រឹកថ្ងៃទី៥ ខែមករា ឆ្នាំ២០២៣ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទនិងកសិកម្ម និងសហការី បានអញ្ជើញចុះត្រួតពិនិត្យការប្រើប្រាស់ឥណទានក្រោមគម្រោងហិរញ្ញប្បទានពិសេសរបស់រាជរដ្ឋាភិបាល ដែលបានផ្តល់ជូនរោងម៉ាស៊ីនចំនួន៣ នៅខេត្តព្រែវែង មាន៖ ១. រោងម៉ាស៊ីនកិនស្រូវ យី ពៅ ២.រោងម៉ាស៊ីន ឈិត ប៊ុន ថន ៣. រោងម៉ាស៊ីនកិនស្រូវ ឈុន ធំ។ ក្នុងនោះ ឯកឧត្តមបណ្ឌិត កៅ ថាច បន្តជំរុញ និងលើកទឹកចិត្តដល់ម្ចាស់រោងៗស៊ីនកិនស្រូវទាំងអស់ សូមបន្តនឹងត្រៀមជួយទិញស្រូវពីកសិករ ដែលនឹងត្រូវប្រមូលផលនាពេលខាងមុខ ក្នុងតំលៃសមរម្យ។

នៅព្រឹកថ្ងៃទី៣ ខែមករា ឆ្នាំ២០២៣ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជា អគ្គនាយកនៃធនាគារអភិវឌ្ឍន៍ជនបទ និងកសិកម្ម តំណាងដ៏ខ្ពង់ខ្ពស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានចូលរួមជាអធិបតីក្នុងពិធីបើកបវេសនកាលឆ្នាំសិក្សាថ្មី ២០២២-២០២៣ និងសំណេះសំណាលជាមួយ នាយក នាយិកា នាយករង នាយិការង លោកគ្រូអ្នកគ្រូទាំងអស់នៅវិទ្យាល័យ ហ៊ុន សែន ខ្សាច់កណ្តាល និងវិទ្យាល័យ ហ៊ុន សែន ROTA ស្រុកខ្សាច់កណ្តាលសរុបចំនួន ៣ ២៤៤ នាក់ ។ ក្នុងឱកាសនោះ ឯកឧត្តមបណ្ឌិត កៅ ថាច បានថ្លែងអំណរគុណយ៉ាងជ្រាលជ្រៅចំពោះលោកគ្រូអ្នកគ្រូទាំងអស់ដែលបានចំណាយពេលវេលាបង្រៀនដល់សិស្សានុសិស្សទាំងអស់ ឱ្យទទួលបាននូវលទ្ធផលល្អប្រសើរ ដោយមានសិស្សប្រឡងជាប់បាក់ឌុបជិត៨០ភាគរយ សម្រាប់ឆ្នាំសិក្សា២០២១-២០២២ កន្លងមកនេះ។ ដោយស្មារតីទទួលខុសត្រូវខ្ពស់របស់លោកគ្រូអ្នកគ្រូ, ឯកឧត្តមបណ្ឌិត បានបន្តលើកទឹកចិត្ត និងសំណូមពរដល់លោកគ្រូអ្នកគ្រូទាំងអស់បន្តខិតខំបង្រៀងសិស្សឱ្យអស់ពីលទ្ធភាពបន្ថែមទៀត ដើម្បីឱ្យសិស្សប្រឡងបាក់ឌុបជាប់ឱ្យបានកាន់តែច្រើន និងទទួលបាននិទ្ទេសល្អថែមទៀតសម្រាប់ឆ្នាំសិក្សា២០២២-២០២៣។ ជាមួយគ្នានេះ ឯកឧត្តម បានពាំនាំប្រសាសន៍ផ្តាំផ្ញើសួរសុខទុក្ខ និងថ្លែងអំណរសាទរចំពោះការបើកបវេសនកាលឆ្នាំសិក្សាថ្មី […]

វិទ្យាល័យហ៊ុនសែន បានដាវ, ស្រុកខ្សាច់កណ្តាល៖ នៅព្រឹកថ្ងៃទី២ ខែមករា ឆ្នាំ២០២២ ឯកឧត្តម ហ៊ុល ប៊ុនថា អនុប្រធានទទួលបន្ទុកជួយប្រធានសម្របសម្រួល ក្រុមការងារចលនាយុវជន របស់ក្រុមការងារថ្នាក់កណ្ដាល តំណាងឯកឧត្តមបណ្ឌិត កៅ ថាច ប្រធានក្រុមការងារចលនាយុវជនរបស់ក្រុមការងារថ្នាក់កណ្ដាលចុះជួយស្រុកខ្សាច់កណ្ដាល និងឯកឧត្តម លី សារុន អនុប្រធានក្រុមការងារថ្នាក់កណ្តាលចុះជួយមូលដ្ឋានឃុំបាក់ដាវ តំណាង ឯកឧត្តមបណ្ឌិត ឈឹម សារ៉េត ប្រធានក្រុមការងារថ្នាក់កណ្តាលចុះជួយមូលដ្ឋានឃុំកំពង់ចំលង និងឃុំបាក់ដាវ និងសហការី បានចូលរួមក្នុងពិធីបើកបវេសនកាលឆ្នាំសិក្សាថ្មី២០២២-២០២៣ និងសំណេះសំណាលជាមួយលោកគ្រូអ្នកគ្រូ និងសិស្សានុសិស្ស នៅវិទ្យាល័យបានដាវ។ សមាសភាពចូលរួមក្នុងពិធីនេះ រួមមាន លោក ចាន់ តារា អភិបាលរង នៃគណៈអភិបាលស្រុកខ្សាច់កណ្តាល ប្រធាន-អនុប្រធានក្រុមការងារចលនាយុវជនរបស់ក្រុមការងារថ្នាក់កណ្ដាលចុះជួយឃុំ ក្រុមការងារយុវជនស្រុក លោកមេឃុំបាក់ដាវ និងមាតាបីតាសិស្សសរុបចំនួន ១ ០៤០ នាក់។ ក្នុងឆ្នាំសិក្សាថ្មី ២០២២-២០២៣ វិទ្យាល័យ ហ៊ុន សែន បានដាវ មានសិស្សានុសិស្សសរុបចំនួន ៩១៩ នាក់ ក្នុងនោះស្រីចំនួន […]

វិទ្យាល័យព្រែកលួង, ស្រុកខ្សាច់កណ្តាល៖ នៅព្រឹកថ្ងៃទី២ ខែមករា ឆ្នាំ២០២៣ ឯកឧត្តម បាន លឹម អគ្គនាយករង នៃធនាគារអភិវឌ្ឍន៍ជនបទ និងកសិកម្ម និងជាអនុប្រធានក្រុមការងារចលនាយុវជន តំណាងឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក នៃធនាគារអភិវឌ្ឍន៍ជនបទ និងកសិកម្ម និងជាប្រធានក្រុមការងារចលនាយុវជនរបស់ក្រុមការងារថ្នាក់កណ្ដាលចុះជួយស្រុកខ្សាច់កណ្ដាល និងសហការី បានចូលរួមក្នុងពិធីបើកបវេសនកាលឆ្នាំសិក្សាថ្មី២០២២-២០២៣ និងសំណេះសំណាលជាមួយលោកគ្រូអ្នកគ្រូ និងសិស្សានុសិស្ស នៅវិទ្យាល័យព្រែកលួង។ សមាសភាពចូលរួមក្នុងពិធីនេះ រួមមាន លោក ចេង ឌីណា អភិបាល នៃគណៈអភិបាលស្រុកខ្សាច់កណ្តាល ប្រធាន-អនុប្រធានក្រុមការងារចលនាយុវជនរបស់ក្រុមការងារថ្នាក់កណ្ដាលចុះជួយឃុំ ក្រុមការងារយុវជនស្រុក ក្រុមប្រឹក្សាឃុំ និងមាតាបីតាសិស្សសរុបចំនួន ១ ៤៧០ នាក់។ ក្នុងឆ្នាំសិក្សាថ្មី ២០២២-២០២៣ វិទ្យាល័យព្រែកលួង មានសិស្សានុសិស្សសរុបចំនួន ១ ៣៥៥ នាក់ ក្នុងនោះស្រីចំនួន ៧៦១ នាក់ ចែកចេញជា៦ថ្នាក់ ពីថ្នាក់ទី៧ ដល់ថ្នាក់ទី១២។ ដោយឡែកសម្រាប់សិស្សានុសិស្សថ្នាក់ទី១២ មានចំនួន ៣២៦ នាក់ […]

ឯ.ឧ. បណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB), អគ្គនាយករង, និងសហការីក្រុមគ្រួសារធនាគារ ARDB ទាំងអស់ បានចូលរួមកិច្ចប្រជុំបូកសរុបការងារប្រចាំឆ្នាំ២០២២ និងទិសដៅការងារសម្រាប់ឆ្នាំ២០២៣ ក្រោមប្រធានបទ “ឥណទានកសិកម្មក្នុងបរិបទឌីជីថល” ក្រោមរបៀបវារ: (១) កិច្ចប្រជុំបូកសរុកសមិទ្ធផលការងារ និងទិសដៅការងារឆ្នាំ២០២៣ (២) ការប្រកួតប្រជែងការបង្កើតវីដេអូខ្លីរបស់បុគ្គលិក នាថ្ងៃទី១៦-១៨ ខែធ្នូ ឆ្នាំ២០២២។

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម អមដោយអគ្គនាយរង ព្រមទាំសហការី បានទទួលជួបជាមួយតំណាង IFC នៃធនាគារអភិវឌ្ឍន៍ពិភពលោក ដើម្បីពិភាក្សាការងារ និងស្តាប់បទបង្ហាញពិសេសផ្តោតលើ “Agri & CSA Finance Market Assessment in Cambodia” នាថ្ងៃទី១៤ ខែធ្នូ ឆ្នាំ២០២២ នៅស្នាក់ការកណ្តាលរបស់ធនាគារ ARDB.