ព័ត៌មានថ្មីៗ
ឯកឧត្តមបណ្ឌិត កៅ ថាច បានបន្តបេសកកម្មចុះសិក្សាស្វែងយល់អំពីសហគមន៍បន្លែសុវត្ថិភាពសរីរាង្គទួលត្រពាំងស្រស់បំព្រង
28 កក្កដា 2024ព្រៃវែង-ត្បូងឃុំ៖ នៅរសៀលថ្ងៃទី២៨ ខែកក្កដា ឆ្នាំ២០២៤ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម និងសហការី បានបន្តបេសកកម្មចុះសិក្សាស្វែងយល់អំពីសហគមន៍បន្លែសុវត្ថិភាពសរីរាង្គទួលត្រពាំងស្រស់បំព្រង ស្ថិតនៅឃុំគោគគង់លិច ស្រុកកញ្ចៀច ខេត្តព្រៃវែង ដែលទទួលបានការឧបត្ថម្ភគាំទ្រពីក្រសួងកសិកម្ម រុក្ខាប្រមាញ់និងនេសាទ និងគម្រោងជំរុញទីផ្សារសម្រាប់កសិកម្មខ្នាតតូច(AIMS)។ សហគមន៍មានសមាជិក ៨៣ គ្រួសារ ដែលប្រកមមុខរបរដាំដុះបន្លែសុវត្ថិភាពសរីរាង្គ នៅទីវាល និងក្នុងផ្ទះសំណាញ់ ដោយក្នុង១ថ្ងៃអាចផលិតបន្លែសុវត្ថិភាពបានពី ១ តោនកន្លះ ទៅ ១០ តោន ទៅតាមរដូវ ជាប្រភេទបន្លែស្លឹក និងបន្លែផ្លែ (រដូវវស្សាផលិតបានតិចដោយសារភ្លៀង)។ ទន្ទឹមនឹងនេះ សហគមន៍ជួបបញ្ហាប្រឈមមួយចំនួន ដូចជា បញ្ហាប្រែប្រួលអាកាសធាតុ បញ្ហាទីផ្សារមិនមានស្ថិរភាព ដោយអាស្រ័យលេីឈ្មួញកណ្តាលជាអ្នកកំណត់តម្លៃ ហេីយមួយវិញទៀតក្រុមហ៊ុនដែលបានចុះកិច្ចសន្យាទិញមានការលំបាកក្នុងការទូទាត់ប្រាក់។ ទន្ទឹមនេះ ឯកឧត្តមបណ្ឌិតបានចុះជួបកសិករកំពុងធ្វេីដីដាំបន្លែស្ពែចង្កឹះដោយផ្ទាល់ ហេីយតាមការសាកសួរ ការដាំស្ពៃនៅខែនេះ គឺខូចជាច្រេីនដង ហេីយឯកឧត្តមបណ្ឌិតបានណែនាំឱ្យកសិករដាំដំណាំឆ្លាស់វិញ ដូចជាបន្លែផ្លែ ឬផ្កាខាត់ណាវិញ ដែលអាចទទួលបានផលច្រេីន។ ក្នុងឱកាសនោះ ឯកឧត្តមបណ្ឌិតបានឧបត្ថម្ភថវិកាមួយចំនួនដល់សហគមន៍ផងដែរ។ បន្ទាប់មក ឯកឧត្តមបណ្ឌិត និងក្រុមការងារបានបន្តចុះពិនិត្យស្តុកស្រូវអង្ករ […]
ឯកឧត្តមបណ្ឌិត កៅ ថាច បានចុះជួបសំណេះសំណាល និងសិក្សាស្វែងយល់អំពីសហគមន៍បាភ្នំមានជ័យ ស្ថិតនៅស្រុកបាភ្នំ ខេត្តព្រៃវៃង
28 កក្កដា 2024ព្រៃវែង: នៅព្រឹកថ្ងៃទី២៨ ខែកក្កដា ឆ្នាំ២០២៤ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម និងសហការី បានចុះជួបសំណេះសំណាល និងសិក្សាស្វែងយល់អំពីសហគមន៍បាភ្នំមានជ័យ ស្ថិតនៅស្រុកបាភ្នំ ខេត្តព្រៃវៃង។ សហគមន៍បាភ្នំមានជ័យ គឺជាសហគមន៍ផលិតស្រូវពូជធំមួយនៅក្នុងស្រុកបាភ្នំ ដែលមានសមត្ថភាពផលិតស្រូវពូជ (សុទ្ធល្អ) បានប្រមាណ ៥០០ តោន ក្នុង១ឆ្នាំ និងមានផ្ទៃស្រែចំនួន ៨៥ ហិកតា និងមានសមាជិកចំនួន ២៣៣ គ្រួសារ។ ក្នុងឆ្នាំ២០២៤នេះ សហគមន៍ មានគ្រោងពង្រីកផ្ទៃដីផលិតស្រូវពូជឱ្យបាន ១៤៥ ហិកតា ដែលអាចផលិតពូជបាន ១ដងទៅ៣ដងក្នុង១ឆ្នាំ និងមានផែនការផលិតពូជស្រូវសុទ្ធឱ្យបាន ៧៥០ តោន សម្រាប់ផ្គត់ផ្គង់ដល់កសិករនៅក្នុងខេត្តព្រៃវែង និងខេត្តផ្សេងៗទៀត ដូចជាកំពង់ធំ ស្វាយរៀង សៀមរាប កំពង់ឆ្នាំង ពោធិ៍សាត់ បាត់ដំបង។ ល។ ពូជស្រូវដែលសហគមន៍ផលិតត្រូវបានកសិករទទួលស្គាល់ថាល្អជាងពូជនាំចូលដែលមិនមានប្រភពច្បាស់លាស់។ ទន្ទឹមនឹងនេះសហគមន៍ជូបនូវបញ្ហាប្រឈមមួយចំនួន ដូចជា រុយសបំផ្លាញ ការប្រែប្រួលអាកាសធាតុ និងបញ្ហាកង្វះទុន។ តាមសំណូមពររបស់សហគមន៍ពាក់ព័ន្ធនឹងបញ្ហាកង្វះទុន […]
ក្រុមប្រឹក្សាវិន័យនៃធនាគារអភិវឌ្ឍន៍ជនបទ និងកសិកម្ម បានរៀបចំកិច្ចប្រជុំ
26 កក្កដា 2024ក្រុមប្រឹក្សាវិន័យនៃធនាគារអភិវឌ្ឍន៍ជនបទ និងកសិកម្ម បានរៀបចំកិច្ចប្រជុំ ក្រោមអធិបតីភាព ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ដើម្បីពិនិត្យ និងវាយតម្លៃលទ្ធផលការងាររបស់បុគ្គលិក ក្នុងគោលបំណងដើម្បីពង្រឹងសមត្ថភាពក្នុងការបំពេញការងារស្របតាមផែនការរបស់ធនាគារ នាព្រឹកថ្ងៃទី២៦ ខែកក្កដា ឆ្នាំ២០២៤។
ឯកឧត្ដមបណ្ឌិត កៅ ថាច ចូលជួបសម្ដែងការគួរសម និងពិភាក្សាការងារ ជាមួយ ឯកឧត្ដមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្រ្តី
24 កក្កដា 2024នៅព្រឹក ថ្ងៃពុធ ៤ រោច ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៤ ខែកក្កដា ឆ្នាំ២០២៤ ដោយមានការអនុញ្ញាតដ៏ខ្ពង់ខ្ពស់ ឯកឧត្ដមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្រ្តី ប្រធានក្រុមប្រឹក្សាជាតិស្តារអភិវឌ្ឍន៍វិស័យកសិកម្ម និងជនបទ និងជាប្រធានគណៈកម្មាធិការជាតិជំរុញចលនាភូមិ១ផលិតផល១ ឯកឧត្ដមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម បានដឹកនាំសហការី ចូលជួបសម្ដែងការគួរសម និងពិភាក្សាការងារ នៅទីស្តីការគណៈរដ្ឋមន្ត្រី។ ក្នុងឱកាសនោះ ឯកឧត្ដមបណ្ឌិតសភាចារ្យ មានប្រសាសន៍លេីកឡេីងអំពីគម្រោងពាក់ព័ន្ធមួយចំនួន សម្រាប់ធនាគារ ARDB អាចចូលរួមសហការនាពេលខាងមុខ។
ឯកឧត្តមបណ្ឌិត កៅ ថាច បានដឹកនាំសហការី ជួបប្រជុំពិភាក្សាជាមួយតំណាងពាក់ព័ន្ធរបស់សមាជិកនៃ សមាគមគ្រឹះស្ថានហិរញ្ញវត្ថុអភិវឌ្ឍន៍ក្នុងតំបន់អាស៊ីប៉ាស៊ីហ្វិក (ADFIAP)
23 កក្កដា 2024ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម (ធ.អ.ជ.ក.) និងជាអនុប្រធានទី១ នៃក្រុមប្រឹក្សាភិបាលរបស់ សមាគមគ្រឹះស្ថានហិរញ្ញវត្ថុអភិវឌ្ឍន៍ក្នុងតំបន់អាស៊ីប៉ាស៊ីហ្វិក (Association of Development Financing Institutions in Asia and the Pacific- ADFIAP) បានដឹកនាំសហការី ជួបប្រជុំពិភាក្សាជាមួយតំណាងពាក់ព័ន្ធរបស់សមាជិកនៃ សមាគមគ្រឹះស្ថានហិរញ្ញវត្ថុអភិវឌ្ឍន៍ក្នុងតំបន់អាស៊ីប៉ាស៊ីហ្វិក (ADFIAP) នារសៀលថ្ងៃអង្គារ ៣រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៣ ខែកក្កដា ឆ្នាំ២០២៤។ កិច្ចប្រជុំពិភាក្សាបានផ្តោតលើ៖ ការបង្កើតអនុគណៈកម្មការនៃសមាជិកភាព ក្នុងក្រុមប្រឹក្សា ភិបាលនៃ សមាគម ADFIAP, ការពិភាក្សាពីសមាជិកមិនសកម្ម និងយុទ្ធសាស្ដ្រជំរុញការចូលរួមពីសំណាក់សមាជិកទាំងអស់, ការស្វែងរកឱកាសអាជីវកម្មសម្រាប់ការរីកចម្រើន និងចីរភាពនៃសមាជិកភាព និងការងារផ្សេងៗ។
ធនាគារអភិវឌ្ឍន៍ជនបទ និងកសិកម្ម (ធ.អ.ជ.ក.) បានរៀបចំកិច្ចប្រជុំថ្នាក់ដឹកនាំដើម្បីពិនិត្យ និងពិភាក្សាពី៖ វឌ្ឍនភាពការងារប្រចាំសប្តាហ៍ និងទិសដៅការងារបន្ទាប់ របស់ ធ.អ.ជ.ក. និងរបៀបវារៈផ្សេងៗ
22 កក្កដា 2024ធនាគារអភិវឌ្ឍន៍ជនបទ និងកសិកម្ម (ធ.អ.ជ.ក.) បានរៀបចំកិច្ចប្រជុំថ្នាក់ដឹកនាំដើម្បីពិនិត្យ និងពិភាក្សាពី៖ វឌ្ឍនភាពការងារប្រចាំសប្តាហ៍ និងទិសដៅការងារបន្ទាប់ របស់ ធ.អ.ជ.ក. និងរបៀបវារៈផ្សេងៗ ។ កិច្ចប្រជុំនេះរៀបចំឡើងក្រោមអធិបតីភាព ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម នាថ្ងៃចន្ទ ២រោច ខែអាសាឍ ឆ្នាំរោង ឆស័ក ព.ស.ពីរពាន់ប្រាំរយហុកសិបប្រាំបី ត្រូវនឹងថ្ងៃទី២២ ខែកក្កដា ឆ្នាំ២០២៤ វេលាម៉ោង ១០ ព្រឹក។
ធនាគារអភិវឌ្ឍន៍ជនបទ និងកសិកម្ម (ARDB) បានរៀបចំពិធីចុះហត្ថលេខាលើកិច្ចព្រមព្រៀងធានាឥណទានជាមួយសាជីវកម្មធានាឥណទានកម្ពុជា (CGCC)
19 កក្កដា 2024នាព្រឹកថ្ងៃទី ១៩ ខែកក្កដា ឆ្នាំ២០២៤នេះ ធនាគារអភិវឌ្ឍន៍ជនបទ និងកសិកម្ម (ARDB) បានរៀបចំពិធីចុះហត្ថលេខាលើកិច្ចព្រមព្រៀងធានាឥណទានជាមួយសាជីវកម្មធានាឥណទានកម្ពុជា (CGCC)។ ពិធីចុះហត្ថលេខានេះ ប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្ដមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម និងលោក Wong Keet Loong អគ្គនាយកសាជីវកម្មធានាឥណទានកម្ពុជា និងមានការអញើញចូលរួមពីតំណាងក្រសួង-ស្ថាប័នពាក់ព័ន្ធ។ ក្រោមកិច្ចព្រមព្រៀងនេះ ធនាគារអភិវឌ្ឍន៍ជនបទ និងកសិកម្ម អាចទទួលបានសេវាធានាឥណទានពីសាជីវកម្មធានាឥណទានកម្ពុជា សម្រាប់គម្រោងដែលធនាគារ ARDB កំពុងអនុវត្ត និងត្រៀមនឹងអនុវត្តនាថ្ងៃអនាគត។
ឯកឧត្តមបណ្ឌិត កៅ ថាច ចុះពិនិត្យស្តុកស្រូវអង្កររបស់ ក្រុមហ៊ុនអៀងហ៊ាងអ៊ិមផតអ៊ិចផត នៅខេត្តបាត់ដំបង
16 កក្កដា 2024បាត់ដំបង: នៅរសៀលថ្ងៃទី១៦ ខែកក្កដា ឆ្នាំ២០២៤ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម និងសហការី បានបន្តបេសកកម្មចុះពិនិត្យស្តុកស្រូវអង្កររបស់ ក្រុមហ៊ុនអៀងហ៊ាងអ៊ិមផតអ៊ិចផត នៅខេត្តបាត់ដំបង។ ក្រុមហ៊ុនអៀងហ៊ាងអ៊ិមផតអ៊ិចផត គឺជាក្រុមហ៊ុននាំចេញអង្ករធំមួយ ដែលទទួលបានហិរញ្ញប្បទានពិសេសរបស់រាជរដ្ឋាភិបាលក្រោមគម្រោងរក្សាស្ថេរភាពថ្លៃ រក្សាសន្តិសុខស្បៀង និងប្រព័ន្ធពូជសុទ្ធ។
ឯកឧត្តមបណ្ឌិត កៅ ថាច ចុះពិនិត្យស្តុកស្រូវអង្កររបស់ក្រុមហ៊ុនបៃតង នៅខេត្តបាត់ដំបង និងបន្តចុះជួបពិភាក្សាការងារជាមួយប្រធានសហគមន៍កសិកម្មតាសីសាមគ្គី នៅភូមិតាសី ឃុំតាម៉ឺន ស្រុកថ្មគោល ខេត្តបាត់ដំបង
16 កក្កដា 2024បាត់ដំបង៖ នៅព្រឹកថ្ងៃទី១៦ ខែកក្កដា ឆ្នាំ២០២៤ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម និងសហការី បានបន្តបេសកកម្មចុះពិនិត្យស្តុកស្រូវអង្កររបស់ក្រុមហ៊ុនបៃតង នៅខេត្តបាត់ដំបង និងបន្តចុះជួបពិភាក្សាការងារជាមួយប្រធានសហគមន៍កសិកម្មតាសីសាមគ្គី នៅភូមិតាសី ឃុំតាម៉ឺន ស្រុកថ្មគោល ខេត្តបាត់ដំបង អំពីយុទ្ធសាស្រ្តពង្រាយទីផ្សារបន្លែសុវត្ថិភាព និងបណ្តាញកសិករនៅតាមខេត្តគោលដៅសំខាន់ៗ ដេីម្បីរក្សាស្ថិរភាពតម្លៃបន្លែលេីទីផ្សារ។ បច្ចុប្បន្ន សហគមន៍ផលិតបន្លែស្លឹកបានប្រមាណពី ៤០០ ទៅ ៥០០ គីឡូក្រាមក្នុង១ថ្ងៃ ជីរណា ប្រមាណ ១០០០ ទៅ ១៥០០ គីឡូក្រាមក្នុង១ថ្ងៃ និងផ្សិតចំបេីងទាំង៣ទីតាំង ប្រមាណ៩០គីឡូក្រាមក្នុង១ថ្ងៃ សម្រាប់ផ្គត់ផ្គង់ទីផ្សារនៅខេត្តបាត់ដំបង បន្ទាយមានជ័យ ក្រុងប៉ោយបែត សៀមរាប និងរាជធានីភ្នំពេញ។ តាមការបញ្ជាក់របស់ប្រធានសហគមន៍បានឧ្យដឹងថា ដោយទទួលបានការកាំទ្រឥណទានពីធនាគារពីធនាគារ ARDB ផ្តល់ជូនសហគមន៍ សម្រាប់ពង្រីកមុខរបរដាំដុះបន្លែសុវត្ថិភាព បានធ្វើអោយជីវភាពកសិករដែលជាសមាជិករបស់សហគមន៍មានភាពធូរធារ និងបានល្អប្រសើរ។
ឯកឧត្តមបណ្ឌិត កៅ ថាច ចុះពិនិត្យកសិដ្ឋានចិញ្ចឹមមាន់យកស៊ុតរបស់សាខាក្រុមហ៊ុនក្នុងស្រុក ភី.ភី អាហ្រ្គោថេក នៅសង្កាត់អូរតាវ៉ៅ ក្រុងប៉ៃលិន ខេត្តបៃលិន
15 កក្កដា 2024ប៉ៃលិន៖ នៅរសៀលថ្ងៃទី១៥ ខែកក្កដា ឆ្នាំ២០២៤ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម និងសហការី បានបន្តដំណេីរចុះពិនិត្យកសិដ្ឋានចិញ្ចឹមមាន់យកស៊ុតរបស់សាខាក្រុមហ៊ុនក្នុងស្រុក ភី.ភី អាហ្រ្គោថេក នៅសង្កាត់អូរតាវ៉ៅ ក្រុងប៉ៃលិន ខេត្តបៃលិន។ កសិដ្ឋាននេះបានបង្កេីតឡេីងនៅឆ្នាំ២០២៣ ដែលបច្ចុប្បន្នមានមាន់ផលិតស៊ុតចំនួន ៨ ម៉ឺនក្បាល ដែលអាចផលិតស៊ុតបានចន្លោះពី ៧០ ទៅ ៩៥ ភាគរយនៃចំនួនមេមាន់សរុប៨ម៉ឺនក្បាល។ ចំពោះទីផ្សារ គឺលក់ក្នុងខេត្តប៉ៃលិន បាត់ដំបង និងបន្ទាយមានជ័យ។