ព័ត៌មានថ្មីៗ

នារសៀលថ្ងៃសុក្រ ទី២៥ ខែកុម្ភៈ ឆ្នាំ២០២២, ដោយមានការអនុញ្ញាតដ៏ខ្ពង់ខ្ពស់ពីឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម (ARDB) លោក បាន លឹម អគ្គនាយករងនៃ ធនាគារ ARDB អមដោយសហការី បានរៀបចំពិធីចុះហត្ថលេខាលើ ឯកសារ ក្របខ័ណ្ឌការងារ និង កិច្ចព្រមព្រៀងមេ រវាងធនាគារ ARDB និងក្រុមហ៊ុន First Cambodia Co., Ltd. និងក្រុមហ៊ុន BPC តាមប្រព័ន្ធអនឡាញ។

សូមអតិថិជន​ ARDB ទាំងអស់ រីករាយក្នុងការប្រើប្រាស់សេវាធនាគារចល័ត ដោយលោកអ្នកគ្រាន់តែបើកគណនីបញ្ញើសន្សំតែប៉ុណ្ណោះ។ ដោនឡូដ ARDB Mobile App តាម link ខាងក្រោម ៖ IOS https://apps.apple.com/us/app/ardb-customer/id1508426834 Android https://play.google.com/store/apps/details​ សម្រាប់ព័ត៌មានលម្អិត សូមទំនាក់ទំនងមកកាន់លេខ 097 323 2345 / 017 93 97 81

ភ្នំពេញ៖ ថ្ងៃពុធ ៧ រោច ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៣ ខែកុម្ភៈ ឆ្នាំ២០២២ វេលាម៉ោង ២ រសៀល ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម បានអញ្ជើញចូលរួម និងផ្តល់បទអន្តរាគមន៍គន្លឹះ អំពីឥណទានដល់វិស័យស្រូវ-អង្ករ ក្នុងសន្និបាតបូកសរុបការងារឆ្នាំ២០២១ និងទិសដៅឆ្នាំ២០២២ របស់សហព័ន្ធស្រូវអង្ករកម្ពុជា នៅសណ្ឋាគារ Raffles Hotel Le Royal Phnom Penh ក្រោមអធិបតីភាពដ៏ខ្ពង់ខ្ពស់ពីសំណាក់ ឯកឧត្តម ប៉ាន់ សូរសក្តិ រដ្ឋមន្ត្រីក្រសួងពាណិជ្ជកម្ម។

កាលពីថ្ងៃទី១៤ ដល់ ថ្ងៃទី១៧ ខែកុម្ភៈ ឆ្នាំ២០២២, ធនាគារអភិវឌ្ឍន៍ជនបទ និងកសិកម្ម បានចុះផ្សព្វផ្សាយផលិតផល សេវាកម្ម បើកគណនី និងតំឡើងARDB Mobile App ជូនសមាជិកសហគមន៍ចំនួន ០៦ រួមមាន៖ សហគមន៍និរន្តរភាពសាមគ្គីភូមិខ្ញុំ, សហគមន៍អូរកន្ធរមានជ័យ, សហគមន៍តាំងក្រសៅកសិករមានជ័យ, សហគមន៍ព្រៃម្រីក្ដីសង្ឃឹម, សហគមន៍កសិកម្មសាគ្រាមរុងរឿង, និង សហគមន៍ជំនោរកសិករ នៅខេត្តកំពង់ធំ។ ធនាគារ ARDB ដើម្បីកសិករនិងអភិវឌ្ឍន៍សេដ្ឋកិច្ចសង្គម!

នាព្រឹកថ្ងៃទី១៤ ខែកុម្ភៈ ឆ្នាំ២០២២, ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកអគ្គនាយកធនាគារអភិវឌ្ឍន៍ជនបទ និងកសិកម្ម ព្រមទាំងថ្នាក់ដឹកនាំរបស់ធនាគារ បានអញ្ជើញចូលរួមក្នុងពិធីផ្សព្វផ្សាយតាមរយៈប្រព័ន្ធអនឡាញ ស្ដីពី “ការបន្ថែមមូលនិធិសម្រាប់ធនាគារសហគ្រាសធុនតូច និងមធ្យមកម្ពុជា និងធនាគារអភិវឌ្ឍន៍ជនបទ និងកសិកម្ម” ដែលប្រព្រឹត្តិឡើងក្រោមអធិបតីភាពដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ។

អតិថិជនរបស់ធនាគារ ARDB ជាទីគោរព ! ឥឡូវនេះ លោកអ្នកអាចបញ្ចូលកាតទូរស័ព្ទបានគ្រប់ប្រព័ន្ធ តាមរយៈ ARDB Mobile App លឿន រហ័ស ងាយស្រួល និងឥតគិតថ្លៃ។ លោកអ្នកក៏អាចតម្លើង ARDB Mobile App ដោយចុចលើតំណរភ្ជាប់ខាងក្រោម: IOS https://apps.apple.com/us/app/ardb-customer/id1508426834 Android https://play.google.com/store/apps/details សូមអរគុណ!