ព័ត៌មានថ្មីៗ
ក្រុមប្រឹក្សាភិបាលនៃធនាគារអភិវឌ្ឍន៍ជនបទ និងកសិកម្ម (ធ.អ.ជ.ក.) បានប្រជុំក្រុមប្រឹក្សាភិបាល អាណត្តិទី៩ លើកទី៤
20 មិថុនា 2024ក្រុមប្រឹក្សាភិបាលនៃធនាគារអភិវឌ្ឍន៍ជនបទ និងកសិកម្ម (ធ.អ.ជ.ក.) បានប្រជុំក្រុមប្រឹក្សាភិបាល អាណត្តិទី៩ លើកទី៤ របស់ខ្លួនដើម្បី ពិនិត្យ ពិភាក្សា និងអនុម័តលើ៖ វឌ្ឍនភាពការងារធនាគារ ការពង្រីកប្រតិបត្តិការ រចនាសម្ព័ន្ធ របស់ធនាគារអភិវឌ្ឍន៍ជនបទ និងកសិកម្ម និងរបៀបវារៈផ្សេងៗ ។ កិច្ចប្រជុំនេះរៀបចំឡើងក្រោមអធិបតីភាព ឯកឧត្តម រស់ សីលវ៉ា រដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាលនៃ ធ.អ.ជ.ក. នាថ្ងៃព្រហស្បតិ៍ ១៤កើត ខែជេស្ឋ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២០ ខែមិថុនា ឆ្នាំ២០២៤ នៅម៉ោង ៩ និង ៣០នាទី ព្រឹកមិញនេះ នៅអគារការិយាល័យកណ្តាលធនាគារ ARDB។
ឯកឧត្តមបណ្ឌិត កៅ ថាច បានទទួលជួបជាមួយតំណាងធនាគារពិភពលោក (World Bank)
19 មិថុនា 2024ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) អមដោយឯកឧត្តមអគ្គនាយករង និងសហការី បានទទួលជួបជាមួយតំណាងធនាគារពិភពលោក (World Bank) ដើម្បីពិភាក្សាពីលទ្ធភាពនៃកិច្ចសហការក្នុងការជំរុញកម្មវិធីហិរញ្ញប្បទានគាំទ្រដល់ថាមពលប្រកបដោយប្រសិទ្ធភាពក្នុងវិស័យឧស្សាហកម្មនៅកម្ពុជា នាថ្ងៃទី១៩ ខែមិថុនា ឆ្នាំ២០២៤ នៅអគារការិយាល័យកណ្តាលធនាគារ ARDB។
ឯកឧត្តមបណ្ឌិត កៅ ថាច បានដឹកនាំកិច្ចប្រជុំថ្នាក់ដឹកនាំធនាគារ ARDB ដើម្បីពិនិត្យលើតួនាទី និងភារកិច្ចនៃនាយកដ្ឋាន អង្គភាព និងគណកម្មការបន្ថែម
17 មិថុនា 2024ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំកិច្ចប្រជុំថ្នាក់ដឹកនាំធនាគារ ARDB ដើម្បីពិនិត្យលើតួនាទី និងភារកិច្ចនៃនាយកដ្ឋាន អង្គភាព និងគណកម្មការបន្ថែម ដើម្បីអោយស្របតាមនិន្នាការ និងបរិបទក្នុងវិស័យធនាគារ ហិរញ្ញវត្ថុ និងតួនាទីគ្រឹះស្ថានហិរញ្ញវត្ថុសម្រាប់អភិវឌ្ឍន៍ នាថ្ងៃទី១៧ ខែមិថុនា ឆ្នាំ ២០២៤ នៅអាគារការិយាល័យស្នាក់ការកណ្តាលរបស់ធនាគារ ARDB ។
ឯកឧត្តមបណ្ឌិត កៅ ថាច ពិនិត្យនិងវាយតម្លៃលទ្ធផលការងាររបស់បុគ្គលិក
14 មិថុនា 2024ក្រុមប្រឹក្សាវិន័យនៃធនាគារអភិវឌ្ឍន៍ជនបទនិងកសិកម្មបានរៀបចំកិច្ចប្រជុំ ក្រោមអធិបតីភាព ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ដើម្បីពិនិត្យនិងវាយតម្លៃលទ្ធផលការងាររបស់បុគ្គលិក ក្នុងគោលបំណាងដើម្បីពង្រឹងសមត្ថភាពក្នុងការបំពេញការងារស្របតាមផែនការរបស់ធនាគារ នាព្រឹកថ្ងៃទី១៤ ខែមិថុនា ឆ្នាំ២០២៤។
ឯកឧត្តម បាន លឹម អមដោយសហការី បានដឹកនាំប្រជុំតាមអនឡាញជាមួយតំណាងធនាគារ National Bank for Agriculture and Rural Development (NABARD) របស់ប្រទេសឥណ្ឌា
11 មិថុនា 2024ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB), ឯកឧត្តម បាន លឹម អគ្គនាយករងនៃធនាគារ ARDB អមដោយសហការី បានដឹកនាំប្រជុំតាមអនឡាញជាមួយតំណាងធនាគារ National Bank for Agriculture and Rural Development (NABARD) របស់ប្រទេសឥណ្ឌា ដើម្បីពិភាក្សាពីលទ្ធភាពនៃកិច្ចសហការរវាងស្ថាប័នទាំងពីរ នាថ្ងៃទី១១ ខែមិថុនា ឆ្នាំ២០២៤ នៅអគារការិយាល័យកណ្តាលរបស់ ធនាគារ ARDB។
ឯកឧត្តមបណ្ឌិត កៅ ថាច បានរៀបចំកិច្ចប្រជុំថ្នាក់ដឹកនាំដើម្បីពិនិត្យ និងពិភាក្សាពី៖ វឌ្ឍនភាពការងារប្រចាំខែ និងទិសដៅការងារខែបន្ទាប់ របស់ ធ.អ.ជ.ក
11 មិថុនា 2024ធនាគារអភិវឌ្ឍន៍ជនបទ និងកសិកម្ម (ធ.អ.ជ.ក.) បានរៀបចំកិច្ចប្រជុំថ្នាក់ដឹកនាំដើម្បីពិនិត្យ និងពិភាក្សាពី៖ វឌ្ឍនភាពការងារប្រចាំខែ និងទិសដៅការងារខែបន្ទាប់ របស់ ធ.អ.ជ.ក., និន្នាការសាកលនៃទីផ្សារធនាគារអភិវឌ្ឍ និងការអភិវឌ្ឍនៃវិស័យធនាគារ និងរបៀបវារៈផ្សេងៗ ។ កិច្ចប្រជុំនេះរៀបចំឡើងក្រោមអធិបតីភាព ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម នាថ្ងៃអង្គារ ប្រាំកើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១១ ខែមិថុនា ឆ្នាំ២០២៤។
ឯកឧត្តមបណ្ឌិត កៅ ថាច បានចុះសួរសុខទុក្ខ និងនាំយកអំណោយចែកជូនដល់បងប្អូនប្រជាពលរដ្ឋដែលទទួលរងគ្រោះធម្មជាតិ ដោយខ្យល់ព្យុះរលំផ្ទះ
9 មិថុនា 2024បន្ទាប់ពីចូលរួមទស្សនាការប្រកួតកីឡាបាល់ទាត់ដណ្តើមពានរង្វាន់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ ប្រចាំឆ្នាំ២០២៤ រួចមក នៅថ្ងៃទី៩ ខែមិថុនា ឆ្នាំ២០២៤ ដដែលនេះ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម រួមជាមួយលោក ចេង ឌីណា អភិបាលនៃគណៈអភិបាលស្រុកខ្សាច់កណ្តាល និងសហការី ព្រមទាំងអនុសាខាកាកបាទក្រហមស្រុកខ្សាច់កណ្តាល ខេត្តកណ្ដាល បានចុះសួរសុខទុក្ខ និងនាំយកអំណោយចែកជូនដល់បងប្អូនប្រជាពលរដ្ឋដែលទទួលរងគ្រោះធម្មជាតិ ដោយខ្យល់ព្យុះរលំផ្ទះ ប៉ើងដំបូល នៅឃុំជ័យធំ ស្រុកខ្សាច់កណ្តាល ខេត្តកណ្តាល កាលពីល្ងាចថ្ងៃទី៨ ខែមិថុនា ឆ្នាំ២០២៤។ បងប្អូនប្រជាពលរដ្ឋនៅឃុំជ័យធំ ដែលទទួលរងគ្រោះធម្មជាតិ ដោយខ្យល់ព្យុះ មានចំនួន២ភូមិ គឺភូមិតាគាត់កើត និងភូមិព្រែកថ្មី ដែលមានផ្ទះខូចខាតសរុបចំនួន២១ខ្នង ក្នុងនោះខូចខាតធ្ងន់ធ្ងរចំនួន៣ខ្នង និងខូចខាតដំបូលតិចតួចចំនួន១៨ខ្នង។ ក្រៅពីការខូចខាតផ្ទះប្រជាពលរដ្ឋ ក៏មានខូចខាតផលដំណាំ និងកសិដ្ឋានដាំបន្លែសុវត្ថិភាពក្នុងផ្ទះសំណាញ់ផងដែរ ដោយខ្យល់ព្យុះធ្វើឱ្យរលំផ្ទះសំណាញ់អស់ជាច្រើនខ្នង។ ក្នុងឱកាសនោះ ឯកឧត្តមបណ្ឌិត កៅ ថាច បានឧបត្ថម្ភថវិកាមួយចំនួនបន្ថែមលើអំណោយរបស់អនុសាខាកាកបាទក្រហមស្រុកខ្សាច់កណ្តាលជូនដល់បងប្អូនប្រជាពលរដ្ឋរងគ្រោះធម្មជាតិដោយខ្យល់ព្យុះរលំផ្ទះផងដែរ។
ឯកឧត្តមបណ្ឌិត កៅ ថាច បានចូលរួមទស្សនាការប្រកួតកីឡាបាល់ទាត់ដណ្តើមពានរង្វាន់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន
9 មិថុនា 2024ក្នុងគោលបំណងលើកទឹកចិត្តដល់ប្អូនៗយុវជនជាកីឡាករ នៅព្រឹកថ្ងៃអាទិត្យ ទី៩ ខែមិថុនា ឆ្នាំ២០២៤ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម និងសហការី បានចូលរួមទស្សនាការប្រកួតកីឡាបាល់ទាត់ដណ្តើមពានរង្វាន់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ ប្រចាំឆ្នាំ២០២៤ នៅទីលានបាល់ទាត់នៃវិទ្យាល័យចំណេះទូទៅនិងបច្ចេកទេស សម្តេចអគ្គមហាសេនាបតីតេជោ ហ៊ុន សែន រ៉ូតាខ្សាច់កណ្ដាល ស្ថិតនៅក្នុងឃុំសន្លុង ស្រុកខ្សាច់កណ្ដាល។ ការប្រកួតកីឡាបាល់ទាត់នៅព្រឹកថ្ងៃអាទិត្យនេះមាន២ប្រកួត គឺក្រុមកីឡាយុវជនឃុំព្រះប្រសប់ប្រកួតជាមួយក្រុមកីឡាយុវជនឃុំសន្លុង រីឯក្រុមកីឡាយុវជនឃុំស្វាយរមៀតប្រកួតជាមួយក្រុមកីឡាយុវជនឃុំជ័យធំ។ ការប្រកួតនៅថ្ងៃអាទិត្យនេះ គឺជាសប្តាហ៍ទី៣ នៃកម្មវិធីប្រកួតកីឡាបាល់ទាត់យុវជន ដែលបានចាប់ផ្តើមបើកការប្រកួតនៅថ្ងៃទី២៥ ខែឧសភា ហើយគ្រោងនឹងបិទបញ្ចប់នៅថ្ងៃទី៧ ខែកក្កដា ឆ្នាំ២០២៤។ សូមរំលឹកថា ការរៀបចំឱ្យកម្មវិធីប្រកួតកីឡាយុវជនជារៀងរាល់ឆ្នាំនេះ គឺក្នុងគោលបំណង (១)លើកកម្ពស់វិស័យកីឡាឱ្យកាន់តែមានការីកចម្រើន, (២)បង្កើតឱ្យមានកម្មវិធីសប្បាយរីករាយ, (៣)ផ្តល់ឱកាសឱ្យយុវជនក្នុងមូលដ្ឋានបានជួបជុំស្គាល់គ្នា បង្កើតសាមគ្គីភាព មិត្តភាព រវាងយុវជនក្នុងឃុំជាមួយគ្នា និងយុវជនមកពីឃុំផ្សេងគ្នា និងជាពិសេសបំផុសស្មារតីយុវជនឱ្យចូលចិត្តលេងកីឡា ពីព្រោះ ការលេងកីឡានាំមកនូវសុខភាពល្អ ជួយដល់យុវជនចៀសឆ្ងាយពីគ្រឿងញៀន ល្បែងស៊ីសង និងអំពើអបាយមុខគ្រប់ប្រភេទ, និង(៤)ផ្តល់ឱកាសដល់យុវជនធ្វើការអភិវឌ្ឍខ្លួន និងពង្រឹងសមត្ថភាពទាំងកាយសម្បទា រួមទាំងចំណេះដឹងជំនាញ […]
ឯកឧត្តមបណ្ឌិត កៅ ថាច បានបន្តដឹកនាំសហការីធនាគារ ARDB ទស្សនកិច្ចសិក្សាកសិដ្ឋានដាំដុះល្វាបារាំង (FIGnature Garden) ក្នុងខេត្តឈុនបូរី ប្រទេសថៃ
31 ឧសភា 2024ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានបន្តដឹកនាំសហការីធនាគារ ARDB ទស្សនកិច្ចសិក្សាកសិដ្ឋានដាំដុះល្វាបារាំង (FIGnature Garden) នារសៀលថ្ងៃទី៣១ ខែឧសភា ឆ្នាំ២០២៤ ក្នុងខេត្តឈុនបូរី ប្រទេសថៃ។ កសិដ្ឋានដាំដុះល្វាបារាំងនះ ជាកសិដ្ឋានដាំដុះលើផ្ទៃដី ១០ រ៉ៃ (១.៦ ហិកតា) ដែលប្រើប្រាស់បច្ចេកវិទ្យាទំនើបដាំដុះក្នុងការថែរក្សាបរិស្ថាន ដូចជាបច្ចេកវិទ្យា IoT ជាដើម និងចូលរួមការអភិវឌ្ឍន៍ប្រកបដោយនិរន្តរភាព។ ផ្លែល្វាបារាំងនេះ បានយកមកកែច្នៃជាដំណាប់ លាយជាមួយកាហ្វេ ភេសជ្ជ:ផ្សេងៗ និងគ្រឿងផ្សំម្ហូបសម្រាប់បរិភោគមួយចំនួនផ្សេងទៀត។
ឯកឧត្តមបណ្ឌិត កៅ ថាច ចូលរួមទស្សនកិច្ចសិក្សាស្រែគំរូស្ថិតនៅក្រោមគម្រោង Thai Rice Nama Project ក្រោមជំនួយ GIZ ក្នុងខេត្ត ស៊ូផាបូរី ប្រទេសថៃ
30 ឧសភា 2024ខេត្តស៊ូផាបូរី ប្រទេសថៃ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំសហការីធនាគារ ARDB ចូលរួមទស្សនកិច្ចសិក្សាស្រែគំរូស្ថិតនៅក្រោមគម្រោង Thai Rice Nama Project ក្រោមជំនួយ GIZ ក្នុងខេត្ត ស៊ូផាបូរី ប្រទេសថៃ ដែលរៀបចំឡើងដោយធនាគារ BAAC នារសៀលថ្ងៃទី៣០ ខែឧសភា ឆ្នាំ២០២៤។ សហគមន៍កសិកម្មដែលកំពុងអនុវត្តគម្រោងនេះ បានចែករំលែកបទពិសោធន៍ និងបច្ចេកទេស នៃការដាំដុះស្រូវដែលមានការបំភាយឧស្ម័នកាប៊ូនិចទាប ជូនដល់សហការីធនាគារ ARDB ដោយបានបញ្ជាក់ថា ស្រែគំរូនេះ បានប្រើប្រាស់បច្ចេកទេសដាំដុះដែលកាត់បន្ថយការបំភាយឧស្ម័នកាបូនិកក្នុងបរិមាណខ្ពស់ ស្របពេលជាមួយនឹងមានលទ្ធភាពកាត់បន្ថយថ្លៃដើមផលិតកម្ម និងបង្កើនប្រាក់ចំណូល។ ជាក់ស្តែង, ក្នុងផ្ទៃដីទំហំ ១ រ៉ៃ (ប្រហែល ០.១៦ហិកតា) ទទួលបានទិន្នផលប្រមាណ ១០០០ គីឡូក្រាម និងចំណាយអស់ប្រមាណ ៥០០ បាត ក្នុងមួយរ៉ៃ និងប្រើប្រាស់គ្រាប់ពូជពី ២៥ ទៅ ៤៥ គីឡូក្រាម។ បន្ថែមពីនេះ, […]