ព័ត៌មានថ្មីៗ

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំកិច្ចប្រជុំថ្នាក់ដឹកនាំធនាគារ ARDB ដើម្បីពិនិត្យលើតួនាទី និងភារកិច្ចនៃនាយកដ្ឋាន អង្គភាព និងគណកម្មការបន្ថែម ដើម្បីអោយស្របតាមនិន្នាការ និងបរិបទក្នុងវិស័យធនាគារ ហិរញ្ញវត្ថុ និងតួនាទីគ្រឹះស្ថានហិរញ្ញវត្ថុសម្រាប់អភិវឌ្ឍន៍ នាថ្ងៃទី១៧ ខែមិថុនា ឆ្នាំ ២០២៤ នៅអាគារការិយាល័យស្នាក់ការកណ្តាលរបស់ធនាគារ ARDB ។

ក្រុមប្រឹក្សាវិន័យនៃធនាគារអភិវឌ្ឍន៍ជនបទនិងកសិកម្មបានរៀបចំកិច្ចប្រជុំ ក្រោមអធិបតីភាព ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ដើម្បីពិនិត្យនិងវាយតម្លៃលទ្ធផលការងាររបស់បុគ្គលិក ក្នុងគោលបំណាងដើម្បីពង្រឹងសមត្ថភាពក្នុងការបំពេញការងារស្របតាមផែនការរបស់ធនាគារ នាព្រឹកថ្ងៃទី១៤ ខែមិថុនា ឆ្នាំ២០២៤។

ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB), ឯកឧត្តម បាន លឹម អគ្គនាយករងនៃធនាគារ ARDB អមដោយសហការី បានដឹកនាំប្រជុំតាមអនឡាញជាមួយតំណាងធនាគារ National Bank for Agriculture and Rural Development (NABARD) របស់ប្រទេសឥណ្ឌា ដើម្បីពិភាក្សាពីលទ្ធភាពនៃកិច្ចសហការរវាងស្ថាប័នទាំងពីរ នាថ្ងៃទី១១ ខែមិថុនា ឆ្នាំ២០២៤ នៅអគារការិយាល័យកណ្តាលរបស់ ធនាគារ ARDB។

ធនាគារអភិវឌ្ឍន៍ជនបទ និងកសិកម្ម (ធ.អ.ជ.ក.) បានរៀបចំកិច្ចប្រជុំថ្នាក់ដឹកនាំដើម្បីពិនិត្យ និងពិភាក្សាពី៖ វឌ្ឍនភាពការងារប្រចាំខែ និងទិសដៅការងារខែបន្ទាប់ របស់ ធ.អ.ជ.ក., និន្នាការសាកលនៃទីផ្សារធនាគារអភិវឌ្ឍ និងការអភិវឌ្ឍនៃវិស័យធនាគារ និងរបៀបវារៈផ្សេងៗ ។ កិច្ចប្រជុំនេះរៀបចំឡើងក្រោមអធិបតីភាព ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម នាថ្ងៃអង្គារ ប្រាំកើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១១ ខែមិថុនា ឆ្នាំ២០២៤។

បន្ទាប់ពីចូលរួមទស្សនាការប្រកួតកីឡាបាល់ទាត់ដណ្តើមពានរង្វាន់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ ប្រចាំឆ្នាំ២០២៤ រួចមក នៅថ្ងៃទី៩ ខែមិថុនា ឆ្នាំ២០២៤ ដដែលនេះ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម រួមជាមួយលោក ចេង ឌីណា អភិបាលនៃគណៈអភិបាលស្រុកខ្សាច់កណ្តាល និងសហការី ព្រមទាំងអនុសាខាកាកបាទក្រហមស្រុកខ្សាច់កណ្តាល ខេត្តកណ្ដាល បានចុះសួរសុខទុក្ខ និងនាំយកអំណោយចែកជូនដល់បងប្អូនប្រជាពលរដ្ឋដែលទទួលរងគ្រោះធម្មជាតិ ដោយខ្យល់ព្យុះរលំផ្ទះ ប៉ើងដំបូល នៅឃុំជ័យធំ ស្រុកខ្សាច់កណ្តាល ខេត្តកណ្តាល កាលពីល្ងាចថ្ងៃទី៨ ខែមិថុនា ឆ្នាំ២០២៤។ បងប្អូនប្រជាពលរដ្ឋនៅឃុំជ័យធំ ដែលទទួលរងគ្រោះធម្មជាតិ ដោយខ្យល់ព្យុះ មានចំនួន២ភូមិ គឺភូមិតាគាត់កើត និងភូមិព្រែកថ្មី ដែលមានផ្ទះខូចខាតសរុបចំនួន២១ខ្នង ក្នុងនោះខូចខាតធ្ងន់ធ្ងរចំនួន៣ខ្នង និងខូចខាតដំបូលតិចតួចចំនួន១៨ខ្នង។ ក្រៅពីការខូចខាតផ្ទះប្រជាពលរដ្ឋ ក៏មានខូចខាតផលដំណាំ និងកសិដ្ឋានដាំបន្លែសុវត្ថិភាពក្នុងផ្ទះសំណាញ់ផងដែរ ដោយខ្យល់ព្យុះធ្វើឱ្យរលំផ្ទះសំណាញ់អស់ជាច្រើនខ្នង។ ក្នុងឱកាសនោះ ឯកឧត្តមបណ្ឌិត កៅ ថាច បានឧបត្ថម្ភថវិកាមួយចំនួនបន្ថែមលើអំណោយរបស់អនុសាខាកាកបាទក្រហមស្រុកខ្សាច់កណ្តាលជូនដល់បងប្អូនប្រជាពលរដ្ឋរងគ្រោះធម្មជាតិដោយខ្យល់ព្យុះរលំផ្ទះផងដែរ។

ក្នុងគោលបំណងលើកទឹកចិត្តដល់ប្អូនៗយុវជនជាកីឡាករ នៅព្រឹកថ្ងៃអាទិត្យ ទី៩ ខែមិថុនា ឆ្នាំ២០២៤ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយក ធនាគារអភិវឌ្ឍន៍ជនបទ និងកសិកម្ម និងសហការី បានចូលរួមទស្សនាការប្រកួតកីឡាបាល់ទាត់ដណ្តើមពានរង្វាន់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ ប្រចាំឆ្នាំ២០២៤ នៅទីលានបាល់ទាត់នៃវិទ្យាល័យចំណេះទូទៅនិងបច្ចេកទេស សម្តេចអគ្គមហាសេនាបតីតេជោ ហ៊ុន សែន រ៉ូតាខ្សាច់កណ្ដាល ស្ថិតនៅក្នុងឃុំសន្លុង ស្រុកខ្សាច់កណ្ដាល។ ការប្រកួតកីឡាបាល់ទាត់នៅព្រឹកថ្ងៃអាទិត្យនេះមាន២ប្រកួត គឺក្រុមកីឡាយុវជនឃុំព្រះប្រសប់ប្រកួតជាមួយក្រុមកីឡាយុវជនឃុំសន្លុង រីឯក្រុមកីឡាយុវជនឃុំស្វាយរមៀតប្រកួតជាមួយក្រុមកីឡាយុវជនឃុំជ័យធំ។ ការប្រកួតនៅថ្ងៃអាទិត្យនេះ គឺជាសប្តាហ៍ទី៣ នៃកម្មវិធីប្រកួតកីឡាបាល់ទាត់យុវជន ដែលបានចាប់ផ្តើមបើកការប្រកួតនៅថ្ងៃទី២៥ ខែឧសភា ហើយគ្រោងនឹងបិទបញ្ចប់នៅថ្ងៃទី៧ ខែកក្កដា ឆ្នាំ២០២៤។ សូមរំលឹកថា ការរៀបចំឱ្យកម្មវិធីប្រកួតកីឡាយុវជនជារៀងរាល់ឆ្នាំនេះ គឺក្នុងគោលបំណង (១)លើកកម្ពស់វិស័យកីឡាឱ្យកាន់តែមានការីកចម្រើន, (២)បង្កើតឱ្យមានកម្មវិធីសប្បាយរីករាយ, (៣)ផ្តល់ឱកាសឱ្យយុវជនក្នុងមូលដ្ឋានបានជួបជុំស្គាល់គ្នា បង្កើតសាមគ្គីភាព មិត្តភាព រវាងយុវជនក្នុងឃុំជាមួយគ្នា និងយុវជនមកពីឃុំផ្សេងគ្នា និងជាពិសេសបំផុសស្មារតីយុវជនឱ្យចូលចិត្តលេងកីឡា ពីព្រោះ ការលេងកីឡានាំមកនូវសុខភាពល្អ ជួយដល់យុវជនចៀសឆ្ងាយពីគ្រឿងញៀន ល្បែងស៊ីសង និងអំពើអបាយមុខគ្រប់ប្រភេទ, និង(៤)ផ្តល់ឱកាសដល់យុវជនធ្វើការអភិវឌ្ឍខ្លួន និងពង្រឹងសមត្ថភាពទាំងកាយសម្បទា រួមទាំងចំណេះដឹងជំនាញ […]

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានបន្តដឹកនាំសហការីធនាគារ ARDB ទស្សនកិច្ចសិក្សាកសិដ្ឋានដាំដុះល្វាបារាំង (FIGnature Garden) នារសៀលថ្ងៃទី៣១ ខែឧសភា ឆ្នាំ២០២៤ ក្នុងខេត្តឈុនបូរី ប្រទេសថៃ។ កសិដ្ឋានដាំដុះល្វាបារាំងនះ ជាកសិដ្ឋានដាំដុះលើផ្ទៃដី ១០ រ៉ៃ (១.៦ ហិកតា) ដែលប្រើប្រាស់បច្ចេកវិទ្យាទំនើបដាំដុះក្នុងការថែរក្សាបរិស្ថាន ដូចជាបច្ចេកវិទ្យា IoT ជាដើម និងចូលរួមការអភិវឌ្ឍន៍ប្រកបដោយនិរន្តរភាព។ ផ្លែល្វាបារាំងនេះ បានយកមកកែច្នៃជាដំណាប់ លាយជាមួយកាហ្វេ ភេសជ្ជ:ផ្សេងៗ និងគ្រឿងផ្សំម្ហូបសម្រាប់បរិភោគមួយចំនួនផ្សេងទៀត។

ខេត្ត​ស៊ូផាបូរី​ ប្រទេស​ថៃ​៖​ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំសហការីធនាគារ ARDB ចូលរួមទស្សនកិច្ចសិក្សាស្រែគំរូស្ថិតនៅក្រោមគម្រោង Thai Rice Nama Project ក្រោមជំនួយ GIZ ក្នុងខេត្ត ស៊ូផាបូរី ប្រទេសថៃ ដែលរៀបចំឡើងដោយធនាគារ BAAC នារសៀលថ្ងៃទី៣០ ខែឧសភា ឆ្នាំ២០២៤។ សហគមន៍កសិកម្មដែលកំពុងអនុវត្តគម្រោងនេះ បានចែករំលែកបទពិសោធន៍ និងបច្ចេកទេស នៃការដាំដុះស្រូវដែលមានការបំភាយឧស្ម័នកាប៊ូនិចទាប ជូនដល់សហការីធនាគារ ARDB ដោយបានបញ្ជាក់ថា ស្រែគំរូនេះ បានប្រើប្រាស់បច្ចេកទេសដាំដុះដែលកាត់បន្ថយការបំភាយឧស្ម័នកាបូនិកក្នុងបរិមាណខ្ពស់ ស្របពេលជាមួយនឹងមានលទ្ធភាពកាត់បន្ថយថ្លៃដើមផលិតកម្ម និងបង្កើនប្រាក់ចំណូល។ ជាក់ស្តែង, ក្នុងផ្ទៃដីទំហំ ១ រ៉ៃ (ប្រហែល ០.១៦ហិកតា) ទទួលបានទិន្នផលប្រមាណ ១០០០ គីឡូក្រាម និងចំណាយអស់ប្រមាណ ៥០០ បាត ក្នុងមួយរ៉ៃ និងប្រើប្រាស់គ្រាប់ពូជពី ២៥ ទៅ ៤៥ គីឡូក្រាម។ បន្ថែមពីនេះ, […]

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បានដឹកនាំសហការីធនាគារ ARDB ចូលរួមទស្សនកិច្ចសិក្សាការដាំដុះបន្លែសុវត្ថិភាព (Organic Vegetables Farm) ក្នុងខេត្ត ស៊ូផាបូរី ប្រទេសថៃ ដែលរៀបចំឡើងដោយធនាគារ BAAC នាព្រឹកថ្ងៃទី៣០ ខែឧសភា ឆ្នាំ២០២៤។ កសិដ្ឋានបន្លែសុវត្ថិភាពនេះ គឺជាបណ្តុំកសិករដាំដុះបន្លែសុវត្ថិភាពដោយមិនប្រើប្រាស់សារធាតុគីមី និងអាចផ្គត់ផ្គង់ទីផ្សារបានយ៉ាងទៀងទាត់ និងទទួលបាននូវស្ថិរភាពថ្លៃ។ បន្ថែមពីនេះ កសិដ្ឋានបន្លែសុវត្ថិភាពនេះ ផងដែរ ក៏បានប្រើប្រាស់បច្ចេកទេសដាំដុះបែបសាមញ្ញ និងចំណាយថ្លៃដើមទាប ក្នុងគោលដៅចូលរួមលើកម្ពស់ការអភិវឌ្ឍប្រកបដោយនិរន្តរភាព។

(បាំងកក)​ ឆ្លៀតក្នុងឳកាសចុះអនុស្សរណៈរវាងធនាគារអភិវឌ្ឍន៍ជនបទ និងកសិកម្ម និង Bank for Agriculture and Agricultural Cooperatives (BAAC) នាថ្ងៃទី២៩ ខែឧសភា ឆ្នាំ២០២៤ ឯកឧត្តមបណ្ឌិត កៅ ថាច ប្រតិភូរាជ៤ដ្ឋាភិបាលទទួលបន្ទុកជាអគ្គនាយកធនាគារ ARDB បានដឹកនាំសហការីចូលរួមការចែករំលែកបទពិសោធន៍របស់ GIZ Thailand លើ (១) គម្រោង Thai Rice Nama (Nationally Appropriate Mitigation Actions) Project ដែលគម្រោងនេះ មានការចូលរួមពីធនាគារ BAAC ។ គម្រោង Thai Rice Nama Project គឺជាគម្រោងដែលមានគោលដៅកាត់បន្ថយការបំភាយឧស្ម័នកាបូនិកក្នុងផលិតកម្មដាំដុះស្រូវ ក្នុងខេត្តចំនួន ៦ ក្នុងប្រទេសថៃ។ ជាលទ្ធផល គម្រោងនេះ បានកាង់បន្ថយការបំភាយឧស្ម័នកាបូនិកប្រមាណ 1.6 លានតោន (1.6 million tCO2eq) និងបានកាត់បន្ថយថ្លៃដើមផលិតកម្ម […]