ឯកឧត្តមបណ្ឌិត កៅ ថាច បានអញ្ជើញឱ្យធ្វើជាវាគ្មិនពិភាក្សាលើប្រធានបទស្តីពី “ ប្រព័ន្ធស្បៀងអាហារប្រកបដោយចីរភាព, បញ្ហាប្រឈមជាសកល៖ តួនាទីជាចលកររបស់ធនាគារអភិវឌ្ឍន៍សាធារណៈជាតិ (Sustainable Food Systems, Global Challenges: The Catalytic Role of National Public Development Banks) ”
28 February 2025
រដ្ឋធានីខេបថោន សាធារណរដ្ឋអាហ្វ្រិកខាងត្បូង ថ្ងៃទី២៨ ខែកុម្ភ: ឆ្នាំ២០២៥៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB ត្រូវបានអញ្ជើញឱ្យធ្វើជាវាគ្មិនពិភាក្សាលើប្រធានបទស្តីពី “ ប្រព័ន្ធស្បៀងអាហារប្រកបដោយចីរភាព, បញ្ហាប្រឈមជាសកល៖ តួនាទីជាចលកររបស់ធនាគារអភិវឌ្ឍន៍សាធារណៈជាតិ (Sustainable Food Systems, Global Challenges: The Catalytic Role of National Public Development Banks) ” ដោយមានបទអន្តរាគមដោយលោក Alvaro Lario ប្រធានអង្គការមូលនិធិអន្តជាតិសម្រាប់ការអភិវឌ្ឍកសិកម្ម (IFAD) និងមានវាគ្មិនចូលរួមមាន នាយកគ្រប់គ្រងហិរញ្ញវត្ថុ និងការវិនិយោគនៃគណៈកម្មការអឺរ៉ុប, ប្រធានធនាគារអភិវឌ្ឍន៍កសិកម្មនៃប្រទេសម៉ាលី, ប្រធានធនាគារ Land Bank នៃអាហ្រ្វិកខាងត្បូង, នាយកប្រតិបត្តិនៃបណ្តាញអង្គការសម្រាប់ការអភិវឌ្ឍជាអន្តរជាតិរបស់ចក្រភពអង់គ្លេស, បេសកជនពិសេសរបស់បារាំងស្តីពីអាហារូបត្ថម្ភ និងជាអគ្គលេខាធិការនៃកិច្ចប្រជុំកំពូលអាហារូបត្ថម្ភសម្រាប់ការលូតលាស់, នាយកប្រតិបត្តិនៃមូលនិធិវិនិយោគអន្តរជាតិរបស់ចក្រភពអង់គ្លេស, និងអគ្គលេខាធិការនៃសមាគមគ្រឹះស្ថានហិរញ្ញវត្ថុអភិវឌ្ឍន៍អាស៊ី-ប៉ាស៊ីហ្វិក និងនាយកប្រតិបត្តិនៃមូលនិធិនៃ OPEC Fund។
ជាកិច្ចចាប់ផ្តើម ឯកឧត្តមបណ្ឌិត បានណែនាអំពីធនាគារ ARDB ដែលជាធនាគារគោលនយោបាយរបស់រាជរដ្ឋាភិបាលកម្ពុជា និងកិច្ចខិតខំរបស់រាជរដ្ឋាភិបាលក្នុងការដាក់ចេញនូវ យុទ្ធសាស្រ្តបញ្ចកោណ-ដំណាក់កាលទី១ ដើម្បីកំណើនសេដ្ឋកិច្ច បង្កើតការងារ ធានាសមធម៌ បង្កើនប្រសិទ្ធភាព និងរក្សាចីរភាព។ មួយវិញទៀត វិស័យកសិកម្ម និងប្រព័ន្ធស្បៀងអាហារ គឺជាមូលដ្ឋានគ្រឹះដ៏សំខាន់សម្រាប់លុបបំបាត់គ្រោះអត់ឃ្លាន កាត់បន្ថយភាពក្រីក្រ និងការអិវឌ្ឍប្រកបដោយចីរភាព ដោយធនាថានឹងពុំមាននរណាម្នាក់ត្រូវបានទុកចោលនោះឡើយ។
បន្ថែមពីលើនេះ ធនាគារ ARDB ក្នុងនាជាធនាគារគោលនយោបាយរបស់រាជរដ្ឋាភិបាលកម្ពុជា បាននិងកំពុងផ្តល់ហិរញ្ញប្បទានប្រកបដោយចីរភាពដល់តួអង្គក្នុងខ្សែច្រវាក់ស្បៀងអាហារ ចាប់ពីកសិករខ្នាតតូច (ដាំដុះនិងផលិត), សគ្រាសការកែច្នៃនិងវេចខ្ចប់ ក្នុងគោលដៅធានាសន្តិសុខស្បៀងអាហារ និងអាហារូបត្ថម្ភសម្រាប់សុខភាព។ ការផ្តល់ហិរញ្ញប្បទានប្រកបដោយចីរភាពគឺផ្តោតលើលក្ខណៈវិនិច្ឆ័យកាត់បន្ថផលប់ះពាល់បរិស្ថាន និរន្តភាពសង្គម-សេដ្ឋកិច្ច និងអភិបាលកិច្ចល្អ ដោយអនុលោមគោលការណ៍ស្តីពីហិរញ្ញវត្ថុប្រកបដោយចីរភាពកម្ពុជា។
ជាទីបញ្ចាប់ ឯកឧត្តមបណ្ឌិត បានរំលេចផងដែរថា ការកសាងប្រព័ន្ធស្បៀងអាហារប្រកបដោយចីរភាពកំពុងប្រឈមមុខនឹងឧបសគ្គជាច្រើនដោយសារតែការអាក់ខាននៃខ្សែសង្វាក់ផ្គត់ផ្គង់ដែលបណ្ដាលមកពីគ្រោះរធម្មជាតិ គ្រោះរាំងស្ងួត ទឹកជំនន់ ផលប៉ះពាល់នៃការប្រែប្រួលអាកាសធាតុ ជំងឺរាតត្បាត ជាដើម។ ឆ្លើយតបនឹងបញ្ហានេះ ធនាគារ ARDB បាននឹងកំពុងផ្តល់ឥណទានបៃតងគាំទ្រដល់ប្រព័ន្ធថាមពលពន្លឺព្រះអាទិត្យ, ឡជីវឧស្ម័ន, ប្រព័ន្ធអាក្វាផូនិក និងការអនុវត្តកសិកម្មដែលមានលក្ខណៈកាត់បន្ថយផលប៉ះពាល់ ឬបន្សាំទៅនឹងការប្រែប្រួសអាកាសធាតុ ជាដើម។ គម្រោងហិរញ្ញប្បទានអាកាសធាតុកម្ពុជា (Cambodia Climate Finance Facility - CCFF) ដែលជាគម្រាងគាំទ្រដោយមូលនិធិអាកាសធាតុបៃតង (Green Climate Fund-GCF) ក្នុងគោលបំណងឆ្លើយតបនឹងការប្រែប្រួលអាកាសធាតុ រួមចំណែកគាំទ្រដល់គោលដៅអភិវឌ្ឍន៍ប្រកបដោយចីរភាព និងការអភិវឌ្ឍសេដ្ឋកិច្ចជាតិដែលបញ្ចេញកាបូនតិច ហើយដែលធន់នឹងអាកាសធាតុ។
