កិច្ចពិភាក្សាពិនិត្យលទ្ធភាពក្នុងការធ្វើកិច្ចសហប្រតិបត្តិការរវាងធនាគារអភិវឌ្ឍន៍ជនបទ និងកសិកម្ម (ARDB) ជាមួយបណ្តាធនាគាររដ្ឋរបស់ចិន

ទីក្រុងណានីង, ខេត្តក្វាងស៊ី៖ កិច្ចពិភាក្សាពិនិត្យលទ្ធភាពក្នុងការធ្វើកិច្ចសហប្រតិបត្តិការរវាងធនាគារអភិវឌ្ឍន៍ជនបទ និងកសិកម្ម (ARDB) ជាមួយបណ្តាធនាគាររដ្ឋរបស់ចិន

——————————————–

នៅថ្ងៃទី១៣ ខែមីនា ឆ្នាំ២០២៥, ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម ឯកឧត្តម បាន លឹម អគ្គនាយករងនៃធនាគារអភិវឌ្ឍន៍ជនបទ និងកសិកម្ម បានដឹកនាំសហការី រួមមាន៖ ប្រធាននាយកដ្ឋានប្រតិបត្តិការនិងកិច្ចការរតនាគារ, ប្រធាននាយកដ្ឋានអភិវឌ្ឍន៍យុទ្ធសាស្រ្តអាជីវកម្ម, និងទីប្រឹក្សាជាន់ខ្ពស់ ជួបពិភាក្សាជាមួយតំណាងធនាគារសាខាខេត្តក្វាងស៊ី ដូចជា៖ ធនាគារ Industrial and Commercial Bank of China (ICBC), ធនាគារ Bank of China (BoC), ធនាគារ Agricultural Bank of China (ABC), និងធនាគារ China Construction Bank (CCB) ដោយមានការសម្របសម្រួលពីអគ្គកុងស៊ុល និងមន្ទីរពាណិជ្ជកម្ម នៃទីក្រុងណានីង ខេត្តក្វាងស៊ី។ កិច្ចពិភាក្សានេះ បានផ្តោតសំខាន់ទៅលើការស្វែងយល់អំពីតួនាទីរបស់ធនាគាររដ្ឋរបស់ប្រទេសកម្ពុជា និងតួនាទីធនាគាររដ្ឋរបស់ប្រទេសចិន ព្រមទាំងពិនិត្យលទ្ធភាពក្នុងធ្វើកិច្ចសហប្រតិបត្តិការ ពិសេសលើការផ្តល់សេវាទូទាត់ឆ្លងប្រទេស និងសេវាហិរញ្ញប្បទានពាណិជ្ជកម្ម។ ជាលទ្ធផល, កិច្ចប្រជុំ បានសម្រេចលើការសិក្សាលទ្ធភាពបច្ចេកទេសបន្ថែមជាមួយធនាគារដែលបានចូលរួម ដើម្បីបង្កើតទៅជាកិច្ចសហប្រតិបត្តិការក្នុងការគាំទ្រដល់វិស័យកសិកម្ម និងការគាំទ្រដល់ការជំរុញការវិនិយោគ តាមរយៈការផ្តល់សេវាទូទាត់ឆ្លងប្រទេស និងសេវាហិរញ្ញប្បទានពាណិជ្ជកម្ម។